八月芳 (已結業)

周末虽然太古坊里面嘅写字楼放假，由于近住宅区所以星期六、日无论饮茶、晚饭八月芳都要等位。 星期日落去饮下午茶两点前去攞筹等约十五分钟都算快。 下午茶有特价点心纸， 选择颇多样样都想叫。酸菜- 酸菜干爽唔会太酸同太咸味道刚好，花生烘得香脆， 一啲都唔马夫。芝麻卷-呢个系怀旧点心，小朋友时候最爱， 黑芝麻好香浓仲食到芝麻碎。章鱼肉饼饭-煲仔上唔见饭焦似系原煲蒸， 肉饼有好多章鱼粒够松软，份量唔少。炸云呑-一碟有四只皮薄馅靓，每只云呑老有大大粒鲜虾，配埋甜酸酱食。香芋糯米包-传统糯米包用黄色皮包住糯米饭，里面有腊味、芋头粒，好多料。虫草花鸡丝肠-卖相精美，肠粉够滑馅料特别，加埋调过味豉油，好好味。盘糕-好少一盘上，铁盘载蒸完放于木盘内，好嫩滑又多萝卜丝，原汁原味。煎酿三宝-一客六件放于小铁镬内卖相吸引，茄子上有鱼肉、豆腐酿有猪肉、青椒酿有虾肉。焗西米布甸-表面焗到焦黄，有浓郁蛋、奶、糖味，又滑又香甜。环境舒适，食物用心制作。