新潮樓 (已結業)

香港唔多潮式酒楼，可以同时食到点心同打冷等潮洲菜，所以简唔中都会同屋企人黎饮茶，只要消费满 $200就享3小时免费泊车，慢慢叹茶都可以。地方光明宽敞，坐得舒服。香煎蚝仔酪 $108食潮洲菜必叫! 蚝肚呈奶白色，粒粒饱满，遍布成个饼。蚝饼比较薄身，所以烙得好酥脆。另会送上鱼露汁同辣椒油，推荐必点辣椒油，非常香。鲍鱼烧卖 $48鲍鱼用蚝油煮过，入口软腍。猪肉烧卖肥肉比瘦肉多，加入埋新鲜虾，所以食落油软，又弹牙。潮式煎韮菜粿 $38中意食潮洲既粿皮，加入木薯粉，特别软糯。饀料除左有韮菜，仲有虾粒，一咬漏汁。啫啫虾干虾酱通菜 $108用瓦煲上，上台已经闻到阵阵虾酱味道。通菜嫩绿，加入大量肉碎、虾干、辣椒炒，每啖味道浓郁。自家制虾蟹枣 $148潮洲传统小食之一，传统会配埋甘桔酱，酸酸甜甜，同炸物好夹。枣类似平时打边炉既丸。将肥猪肉、虾胶同蟹肉拌圴后炸，食落似实既肉卷，有一款仲会包上腐皮，特别香脆。带子肠粉 $58肠粉、带子都软腍腍，加左少许脆肉瓜，增加口感。竹笙北菇炖菜胆 $48汤入面有粒厚身北菇，用瘦肉去煲，入口清甜唔肥腻。褔果芋泥 $48餐厅唯一两道甜品，都以芋头入馔，就知潮洲人几中意食芋头