Coti (沙咀道)

营业中

休息中

平日每日返工个人又急又赶，所以假日比较钟意慢活休闲咁过，星期六同谦谦行完南丰纱厂就一路直行到嘉达，醒起入面有间 cafe 就入去食 lunch ，呢到店铺唔太大，我谂多人外卖咖啡多，因楼上系office。今次来到叫左以下美食：⚛ 烤牛肋骨饭 ~ 有4大旧牛肋骨，烤到好腍肥瘦适中，个汁又甜甜地超好送饭， 所以谦谦都食左好多。🥗 日式胡麻酱沙律配烟三文鱼 ~ 完全比碟沙律菜吓亲， 竟然咁大碟， 超多新鲜沙律菜呀，食极都仲有咁，车厘茄鲜甜多汁，配上我和谦谦钟情的胡麻酱汁简直一流， 重点系重有烟三文鱼，淡淡烟熏味同沙律菜一齐食好夹。🍸 冻鲜忌廉朱古力 ～ 今次为哄自己开心，主动叫了杯甜到入心的鲜忌廉朱古力，拌一拌匀，吸一口已经好满足了，因为上层系打过的厚厚忌廉和朱古力粉，甜味岩岩好，朱古力味浓郁，非常喜爱呢杯饮品。🍹 冻蜜桃茶 ~ 估唔到谦谦会叫一杯咁清新的饮品，谦谦话叫左个牛肋骨饭惊太油腻，所以叫杯蜜桃茶解一解油腻感，听完我忍唔住笑了，不过我都饮了几口，确系几清新香甜，绝对可以解腻😊。呢间店舖感觉好舒服，下次我会再来叹下佢d 咖啡，因入店已经好香咖啡味。