豊勝手丼 (已搬遷) 新店位置

同好姊妹系铜锣湾睇完戏，大家不约而同想食日本嘢，行过见到尼间小店门口贴满各大媒体得奖post, 于是诱发我地俩个最钟意试新野嘅人推门入去鱼生饭有好多选择，可以叫set或自己拼，我就叫左个海之幸，朋友就自己拼海之幸有嘅赤虾，鲜甜美味，大大只呑拿鱼腩肥美无比，鱼脂丰富，咬一口，口腔已充满吞拿鱼独有既鱼油香味油甘鱼，比目鱼腩，鲜甜美味三文鱼籽，大大粒，咬落卜卜脆松叶蟹拑，淡淡蟹味日本海胆，一个字形容，鲜！朋友就拼左牡丹虾，三文鱼腩，紫海胆，大大版原版上，鲜味十足，海胆控一定大爱套餐包括暖胃嘅味噌汤同埋新鲜嘅沙律，沙律菜配上酸酸嘅酱汁，不得不提，厨师自家腌制嘅小蕃茄，甜甜地加上蕃茄嘅微酸，咬落爽口，非常好食，必试之品有我最爱嘅Suntory生啤，立即叫杯黎清凉一番，生啤味唔浓，淡淡嘅小麦味，朋友就叫左信州苹果梳打，佢形容入口好香苹果味，甜度适中，配埋梳打，非常好饮店舖虽然细，但坐无虚席，一路食嘅期间，顾客不断，证明食物真系有水准，价格颇高，但物有所值