影片
更多
2022-11-01
673 浏览
尖沙咀好多高质嘅餐厅隐藏喺啲楼上铺，我哋今晚就食咗 Amina Modern European。佢呢度有两个Menu，一个就多啲海鲜，一个就多啲黑松露。两个Menu都高质，一人食一个就最开心😌等我逐个菜式介绍吓，真系好有惊喜，色香味俱全。每一道菜食物嘅配搭同埋摆盆嘅设计，都睇得出厨师真系好花心思，而且好有创意！打头阵嘅系鹌鹑肉配自家制薯片，再加少少鱼子点缀，味道好丰富。另一个头盘系鹌鹑蛋黄Beef tartar配鱼子酱，周围有啲Parmesan cheese脆片，仲加咗黑松露同埋适用金箔喺面，非常矜贵！鱼子酱色泽明亮，入口味道鲜味，正😋之后有龙虾肉烧卖配龙虾泡沫，中西合璧，感觉新颖又好食。白葡萄香槟啫喱配鹅肝酱系我最钟意嘅头盘，鹅肝酱口感幼滑，香槟啫喱可以解除少少肥腻嘅感觉，感觉冇咁Heavy。跟住嘅汤好特别，一半系蕃茄清汤，一半系蕃茄purée 配蕃茄炖蛋。蕃茄味道清新开胃，激活你嘅味蕾！轻轻煎香两边嘅北海道带子配超迷你千层面有惊喜，整咁细个千层面真系考功夫😂 平时都唔太钟意食pasta，呢个一啖就食完嘅千层面啱晒我👍🏻青柠乳鸽系其中一个好出色嘅主菜，乳鸽肉质好幼嫩，青柠汁出奇地配搭
佢呢度有两个Menu，一个就多啲海鲜，一个就多啲黑松露。两个Menu都高质，一人食一个就最开心😌
等我逐个菜式介绍吓，真系好有惊喜，色香味俱全。每一道菜食物嘅配搭同埋摆盆嘅设计，都睇得出厨师真系好花心思，而且好有创意！
打头阵嘅系鹌鹑肉配自家制薯片，再加少少鱼子点缀，味道好丰富。
另一个头盘系鹌鹑蛋黄Beef tartar配鱼子酱，周围有啲Parmesan cheese脆片，仲加咗黑松露同埋适用金箔喺面，非常矜贵！鱼子酱色泽明亮，入口味道鲜味，正😋
之后有龙虾肉烧卖配龙虾泡沫，中西合璧，感觉新颖又好食。
白葡萄香槟啫喱配鹅肝酱系我最钟意嘅头盘，鹅肝酱口感幼滑，香槟啫喱可以解除少少肥腻嘅感觉，感觉冇咁Heavy。
跟住嘅汤好特别，一半系蕃茄清汤，一半系蕃茄purée 配蕃茄炖蛋。蕃茄味道清新开胃，激活你嘅味蕾！
轻轻煎香两边嘅北海道带子配超迷你千层面有惊喜，整咁细个千层面真系考功夫😂 平时都唔太钟意食pasta，呢个一啖就食完嘅千层面啱晒我👍🏻
青柠乳鸽系其中一个好出色嘅主菜，乳鸽肉质好幼嫩，青柠汁出奇地配搭，好食！
食肉兽最后食咗西冷配上非常香滑嘅薯蓉，旁边嘅配菜颜色丰富，一啲都唔马虎，千祈唔好浪费。
最最后甜品有豆腐姜汁焦糖炖蛋，豆腐味同姜味都突出。
Petit four用一旧云装住，云系食得㗎！！！菠萝汁嘅味道，口感比棉花糖实少少，好特别。
呢度环境清静，灯光幽暗，好适合食饭倾偈。如果小型party仲可以包场👍🏻👍🏻 食之前记得去OpenRice 订位，抵啲㗎！
佢哋迟啲有high tea，大家都去chill下啦～
张贴
