景逸軒 (已結業)

同屋企人食饭梗系食中菜，最稳阵，佢地又一定岩食，见到景逸轩系尖沙咀新开于是一家人去试下。草莓凤梨咕噜肉生果配肉类够清新，夏天食酸酸甜甜既菜色特别开胃，咕噜肉炸得香脆，可惜偏肥，肥腻感较重。瑶柱花胶四宝羹四宝分别系花胶、瑶柱、冬菇、肉丝，质感比较厚身，不过瑶柱花胶比较细碎，难以食得出，发挥唔到应有既味道，有点可惜。竹笙鼎湖上素材料有竹笙、竹笋、草菇、蘑菇、木耳、小棠菜，够晒健康，竹笙爽口多汁，草菇同木耳都煑得软腍又够入味，小棠菜爽脆，加埋酱汁，全晚最喜爱。见到格离点原个椰皇炖鲜奶，我地又点啦，点知要等20分钟，餐牌又没有写，早知要20分钟我就一早叫定，于是点桂花糕啦，又话卖晒，美中不足。