潮樂園 (和富道)

营业中

休息中

唔知点解公司嘅同事好钟意去潮乐园，猴子今次又系反对无效，因为今日系生日𠮶位同事话事。今次唔系叫套餐各自食，而系嗌𩠌一齐食，都好嘅，可以试多啲唔同嘅菜。先嚟嘅系卤水鹅、墨鱼同埋生肠三拼。卤水鹅真系唔使多介绍，差唔多系必食嘅，虽然猴子都系钟情于较瘦嘅鹅片多啲。再嚟系冻乌头鱼，极度少油，啱晒猴子，肉质结实有咬口，有鲜味而无腥味。韭菜猪红亦系唔错嘅选择，猪红唔会一夹就散，韭菜亦够爽。蚝仔肉碎粥，今次叫咗大碗嘅，味道鲜甜，如果材料可以多啲就更好。荔芋香酥鸭，猴子觉得呢个麻麻，芋头同鸭都好浓味，而且容易滞。潮阳虾蟹枣，够香够弹牙，不过份量真系少咗啲，中间嘅蕃茄无人问津。榄菜肉碎炒饭，炒得好香，不过之前已经食咗两碗蚝仔粥，够晒饭气，所以只系食咗少少。猴子留意到潮乐园喺门口贴咗两张分别系米芝莲2018同2019嘅标签，再加上北角呢间舖嘅位置唔算系旺区，所以都几有「隐世名店」嘅感觉。