炙・宴 (荷里活廣場)

营业中

休息中

睇完戏到下午3点，就近系荷李活广场食埋野，估唔到拣左呢间食到燥底嘅餐厅。佢多数餐普普通通都要150$以上，咁我地都对佢有返小小呢个价位嘅餐厅应有嘅期望啦，点知换来嘅只得失望，事因叫左一个猪+牛寿喜烧㶽（$179），只得2旧牛同4旧猪，而且都系切到好薄好薄，猪呢就系肥肉占7成。千祈唔好俾佢一开头舖开晒啲肉嘅样呃到，实际上食完个几旧肉，成个锅就系塞满娃娃菜，仲有零零星星嘅一旧豆腐，切半嘅金针菇，一粒蘑菇仔同几条萝卜丝（系！系丝，唔系片！仲要系肉眼countable）。食完真系食左个寂寞！呢个锅我最多俾$110，你收人$178就唔好全部都系娃娃菜咁肉酸啦。