陳漢記 (已結業)

山長水遠入大埔，因為朋友話d腸粉好正，即管嚟朝聖。週末有隊排，不過只係稍後片刻。坐低發現夜晚先有煲仔飯，不過今日志不在此～叫左一個炸兩，一個豬潤併叉燒腸粉，同埋炸魚皮。呢間野係贏在腸粉皮。手工好，皮薄但係唔易爛又唔會黏住對筷子。本身我麻麻地腸粉都暗歎其手工和味道出眾。豬潤併叉燒係出奇地好味，有少少金錢雞果種味道。炸魚皮下次可以唔叫。不過呢度服務係，有特色的。真係就咁喺你面前講粗口，唔係鬧客，係日常吹水咁員工之間互吐真言，毫不修飾，有性格，夠地道嘅。3個字：食腸粉。