大阪王將 (已結業)

入到马鞍山探大肚朋友，人生路不熟，当然要请佢带路啦！佢二话不说带我地去咗马鞍山广场内的大阪王将，门面都几企理，最impress到我哋的是每一位员工都好热情。相信店主下左唔少苦工，先能够令到每一位员工都做得开心，面上都系真诚的笑容。食物整体价格都几相宜，而且选择多。当中最抵的绝对系二人餐，只系$200左右就食到好多款美食。店内的招牌菜，肉质都几丰富，而且皮薄。小食当中我就比较钟意章鱼烧，一客有四件，分量十足。而且入口热辣辣，又够咬口。朋友仔点的玉子烧都几好食，甜甜地有蛋香得来，葱花的味道都几突出。牛肉锅有好多牛肉，整个锅内都系鲜牛肉，冇其他野菜垫底。汤底味道偏甜，系我最钟意的寿喜烧口味。至于乌冬就清清地，高汤无乜味精。豚肉生姜烧定食都几有趣，唔系传统日式生姜烧的味道，反而有少少似中式的葱爆猪肉。但意外地，呢个口味都几好食，够晒惹味。至于店内主打，就系呢个天津饭，即系铁板蛋包饭。汉堡扒分量亦唔少，有成2cm厚。淋上酱汁后嗞嗞声，色香味俱全。最后多点一份海老天妇罗，令我哋满足感更上一层楼。炸得香脆，虾肉又结实。非常满意的用餐体验，除咗价廉物美外，最重要的是意想不到的贴心服务。冇谂过连锁店当中