四季文昌 (已結業)

香港而家都开咗好多 椰子鸡火锅餐厅， 间唔中食吓过吓椰子鸡嘅瘾 都唔错。 但今日中午时分去咗海南椰子鸡餐厅系食午餐。店铺空间宽阔，占全层， 周围都有好多打卡嘅位置， 亦有啲文青cafe书店feel。有唔少选择，嚟依到梗系食番椰子鸡汤米线（$68）午餐奉送特饮和炖汤。鸡汤劲清甜， 鸡件又滑又嫩， 浸系汤嘅鸡油更张味到提升。 米线滑溜溜不过略嫌太碎。 配料仲有劲多竹笙云耳， 感觉健康而且唔会抢咗浓郁嘅鸡味。配芒果梳打。。大杯到，呃哂like, 唔会太甜还可以呀。另一款午餐拣咗海鲜喇沙米线， 喇沙汤底可以再热啲就更good。 唔会好辣， 海鲜配料丰富，有青口，鱿鱼，虾， 鱼块，仲有半只鸡蛋。 材料下面竟然系乌冬面😃， 完全冇留意餐牌， 见到喇沙个字就拣！😃荔枝梳打， 都系好大杯。 虽然多冰饮到尾仲够晒气， 甜度适中， 荔枝味唔会太假。