牛大人台灣火鍋吃到飽 (瓊華中心)

营业中

休息中

日本黑毛和牛A4+吃到饱套餐汤底选择多达10款，我哋叫咗鱼白汤三文鱼豆腐锅，奶白色嘅鱼汤好鲜甜。我哋叫咗呢个套餐会赠送澳洲M9和牛牛丸同海鲜拼盘，海鲜拼盘有鲍鱼、蛏子、带子同生蚝，和牛牛丸爽口弹牙，咬落去会爆汁，可惜冇得任食。依个套餐嘅主打当然就系日本黑毛和牛A4+，净系睇啲雪花纹就知道相当高级，食落每一口都拥有浓郁的牛肉香气，肉质嫩而多汁入口即溶。除咗牛肉之外，仲有伊比利亚黑毛猪梅肉，被称为猪肉界嘅和牛，肥瘦均匀肉质有弹力，口感有咬劲。熟食方面除咗盐酥鸡、台式香肠等经典夜市小食，特别推介三款鲍鱼分别系古法醉鲍鱼、炭烧盐葱鲍鱼同柚子烧汁鲍鱼。三款酱汁都好特别，都几配搭爽弹嘅鲍鱼。饮品方面，当然唔少得各种特色嘅台式茶饮，珍珠奶茶、白桃乌龙、鸭屎香柠檬茶等，甜品就有Movempick嘅雪糕同Kitkat Mac脆皮雪糕，千祈唔好错过。