河內越式料理 (村南道)

营业中

休息中

今日同朋友嚟到河内越式料理店食晚饭，大围得八度，天寒地冻下，好想食热呼呼嘅东西。一入店，店员斟咗杯茶俾我地。茶嘅味道好特别，有股独特嘅香味。好奇下问问店员，原来系老板从越南买嘅茶叶冲泡而成，这些越南茶叶确实增添了地道风味。主食方面，我地分别叫咗碗顺化番茄蟹肉扎肉汤檬同极品牛三宝汤河粉。牛三宝汤河包括牛展、生牛肉同牛丸，好足料、好大碗、好够饱！番茄蟹肉扎肉汤檬采用新鲜番茄做汤底，朋友大赞汤浓好味，忍不住多呷几口才吃檬粉。我哋仲叫咗炸春卷同埋虾饼两款小食，春卷皮脆多馅料，虾饼弹牙不油腻。饮品方面，我地叫咗椰汁珍多冰同热柠檬蜜糖姜茶。姜茶嘅用料无论柠檬还是姜都好新鲜，姜味好出但唔会太辣口，寒冷下驱寒一流。不过，即使天冷，朋友还是钟情椰汁珍多冰，说这里的珍多冰椰奶香浓，味道调配得恰到好处，无论天气有多冷，也会点选这款令人难以抗拒的特色饮品。