榮記粉麵

营业中

休息中

细细个同屋企人去完维园游水，例必入巷仔食碗牛腩面至走，非常美味。但自从后巷车仔面搬走咗，一直都揾唔返佢，之后先知道原来荣记粉面就系我细个时食过嘅牛腩面，于是趁今日来帮衬下。荣记永远云似云来，长期人龙，我排咗20分钟先入座，门口有个哥哥帮你落定单，减少等食时间。今日我叫咗个四𩠌面，呢度最出名系腩汁，当然要叫牛腩、牛肚衬番，另外再叫埋最爱嘅猪大肠同猪红，面底的话，识食车仔面嘅梗系叫油面啦。由于坐底前已落单，所以一阵就有得食。大大碗，份量足，汤底味浓而且很香，正。牛腩、牛肚亦相当入味，猪大肠干净无猪臭味，猪红也很淋滑，应该没有用鸡血顶包，好味，唯独是油面较淋，如可改善就更perfect。