傷心酸辣粉 (已結業)

星期二放假，当然揾0的好野食下，下午就来左旺角新开的伤心酸辣粉﹗记得一年前在深水步的老店吃过，铺仔细细得0个一张枱仔0系门口，堂食真系等十年都未有位，味道是不错的但环境真系麻麻，所以去一次就无再去。知道佢几个月前已经在深水步另外开左间大铺，不过地点唔多就脚未有一试，今次来了旺角店﹗地点是登打士广场，之前的史路比餐厅执左就转左做酸辣粉。格局似新派茶记，地方挺大，落地玻璃光猛坐得舒服﹗有餐供应，同食家就叫个餐SHARE再加多个酸辣粉﹗餐跟了口水鸡，是这儿的招牌菜﹗虽然系跟餐不过都几大碟﹗个汁有甜带微辣，是花椒油香，鸡肉虽未算嫩滑不过实净几好肉，惹味香口﹗吃得满口芝麻香，一阵就俾我地两个扫哂。主角来了，伤心酸辣粉﹗食家上次吃过中辣后成身冒汗，我食辣仲屎过佢都系不要懒醒，要了小辣﹗汤红红的，虽知是小辣不过望到都已经流定汗﹗薯粉上是大量肉酱、葱花及菜莆等，够哂香口﹗醋未算下得多，酸度不够，但辣度就惊人，本来开头食都无咩野，不过食食下已经满头大汗，最后去到汗如雨下，口腔有少少麻痺感觉，果然食小辣已经系我既极限﹗我最爱就是吃烟韧的食物，薯粉是至爱，呢度的薯粉圆身偏粗，口感一流，富弹性又烟韧，超好O赵