616牛肉火鍋專門店 (翠怡花園)

营业中

休息中

一提起食火锅大多数人都会同我一样，食火锅时一定唔小得食番碟牛牛咁先似系食火锅，但系钟意食牛嘅人黎讲或者嫌口味唔够多，终于今次可以食到多款牛嘅部位，而且价钱又大众化之余，最紧要仲系食得饱咁先完美，约埋好友齐齐去品尝一番当然个个都系牛魔王啦！呢度嘅火锅配料系主打食牛嘅不同部位当然唔会错过机会，至于锅底都有几多口味选择，我地最后要咗牛杂汤底咁食先至原汁原味牛味十足。再攞埋秘制牛肉酱汁就可以开餐，先来有牛朴肉，肉质食落肥美又多汁口感十足。到另一款系澳洲和牛牛胸肉，入口除咗肉质嫩滑之余，食到油脂嘅香甜又带点爽口。再来梗系食下牛杂先，平时系街食开牛杂都系得两三款口味，呢度居然有齐晒真系估唔到，又可以食到牛杂嘅精华味道浓郁，而且份量十足超抵食。除左食到特色牛肉外，仲有凉菜提供我地都点咗冰麻牛食，入口带点微辣又食到牛肉爽滑够晒惹味，真系一碟都唔喉再食多碟先得！轮到有牛饺双拼，又可以一次过食到两种味道，饺子用足料入囗食到啖啖肉汁味浓郁。唔觉唔觉又品尝咗一轮特色牛肉，最后食埋稻庭乌冬连汤汁，再食冰凉甜品咁就最完美一餐。