影片
更多
2014-08-09
5011 浏览
从网上睇到得知Jamie Olivier会系香港开餐厅, 到知到开张后冲去订位, 但Booking已经去到九月都无位, 再到知道80%位系留比Walk in后, 决定呢日放工早D去排队, 点知18:00到到时, Waitress话要等4个钟...好彩有个好同事Book左去唔到让左比我, 最后21:45入左去。事前已经做晒功课, 睇左阵Menu就点菜了ORANGE, FENNEL & BOCCONCINI SALAD 味道比较清新, 茴香有D似椰菜, 但无椰菜既苦味, 而且有一种特有既香料香味, 橙肉就带出甜味, 加上水牛芝士既口感, 香味甜味口感一次集合晒, 好好既配搭CRISPY SQUID 食落去鱿鱼肉好幼嫩, 外面脆浆皮十分松脆, 唯一缺点系细块左D, 自家制既酱汁好creamy, 配合炸物一流CURED MEATS 有4种肉类, 上菜时Waiter会解释一次每样有咩特色, 而且建议由左面淡味开始食到右面浓味既由左起既Prosciutto风干火腿系我最钟意既一种, 无咩脂肪, 所以食得出肉既咸香, 而且无生肉既腥味, 食完好想食埋朋友o个块XPPistachio mortadel
好彩有个好同事Book左去唔到让左比我, 最后21:45入左去。
事前已经做晒功课, 睇左阵Menu就点菜了
ORANGE, FENNEL & BOCCONCINI SALAD 味道比较清新, 茴香有D似椰菜, 但无椰菜既苦味, 而且有一种特有既香料香味, 橙肉就带出甜味, 加上水牛芝士既口感, 香味甜味口感一次集合晒, 好好既配搭
CRISPY SQUID 食落去鱿鱼肉好幼嫩, 外面脆浆皮十分松脆, 唯一缺点系细块左D, 自家制既酱汁好creamy, 配合炸物一流
CURED MEATS 有4种肉类, 上菜时Waiter会解释一次每样有咩特色, 而且建议由左面淡味开始食到右面浓味既由左起既Prosciutto风干火腿系我最钟意既一种, 无咩脂肪, 所以食得出肉既咸香, 而且无生肉既腥味, 食完好想食埋朋友o个块XP
Pistachio mortadella系一种有开心果既意式肉肠,属于熟冻肉类, 味道上似火腿, 开心果点缀下亦有佢特别之处,
Fennel salami 茴香莎乐美肠开始口感就比较油, 而且肉带有一种风干肉既米香, 可以配些少上面的腌辣椒同橄榄一齐食, 中和返味道同油腻感
而Schiacciata piccante辣肉肠味道唔太辣, 味道比Fennel salami浓, 可以配淡味既水牛芝士一齐食, 更加突出
朋友食左一啖Pecorino话好普通, 但佢只系食左块芝士同脆饼, 我叫佢涂匀D Chilli jam一齐食之后就大赞好食, 证明左个Chilli jam有几大功劳, 绝对唔可以睇少呢一点红
Rainbow salad 加左好多薄荷, 可清下口腔准备食下一道菜
FISH IN A BAG 系用煮食用既纸包住鱼肉, 蚬同鳀鱼, 加埋茴香, 柠檬, 辣椒一齐焗,入面仲有一种叫Cracked wheat既小麦碎, 食落有D似细细粒既饭, 但就有种麦类既香味, 同鳀鱼一齐食有D似西式既咸鱼炒饭, 但味道绝对唔同XD
鱼系每次都会唔同, 今日既应该系鲈鱼(挂住食无问Waiter...), 鱼肉好嫩滑, 平时鲈鱼食落点都系有D"鞋", 但呢个一D呢种感觉都无, 而且好鲜味
特别一赞系个蚬, 佢用既系泥蚶(Cockle), 肉质饱满, 又好鲜嫩, 同条鱼有得比
要提提系鳀鱼, 唔好太多, 少少拌入Cracked wheat一齐食就好, 唔系会好似我朋友咁, 一食咸到飞起
至于PRAWN LINGUINE 就失色左少少, 唯一系个Homemade既宽条面面质唔错, 虾无咩味, 成个菜都好Homemade...即系自己都煮到, 无咩特别, 再黎都唔会recall
甜品叫左好普通既Tiramisu, 但呢到既Tiramisu一D都唔普通, 首先卖相已经好唔一样, 上菜时waiter解释呢到既Tiramisu系用一层层既海绵蛋糕同一层层既cream, 而唔系平时食开既Tiramisu咁用手指饼第一口食落去, 系好苦既咖啡味, 佢应该系直接用Espresso去整, 海绵蛋糕吸晒D特浓咖啡, 一路食一路好似饮紧杯Espresso咁, 但个蛋糕无因为咁而"淋滋滋", D cream就好似coffeemate咁冲淡返d苦味同带出甜味, 但食食下就会食到有橙既香味, 事前完全唔知佢加左橙皮, 所以绝对系一种惊喜
其实食之前已经听过好多人话普通, 的确单以单一每种食物睇都是普通的, 其实有看过Jamie既节目都应该知道, 佢用既食材都只是普通食材, 但佢既独特之处系每一道菜都带出到有自己特色既感觉, 你食之前绝对估不到佢每个配搭带来既效果, 呢个就系点解我要到呢间餐厅食野既原因, 食既, 唔系Jamie Oliver的食物, 而系佢既菜式,创作,风格。服务费系客人选择比唔比, 而且系会直接比Waiter们的, 好欣赏呢种型式, Waiter们态度亦十分好
绝对会再黎
张贴
