影片
更多
2018-01-30
2721 浏览
一到年尾，朋友们纷纷组织团年饭，为辛苦咗一年慰劳吓自己。不过其实讲到尾，都系我哋呢班吃货借啲易想食餐好嘅啫！今次就决定食邦记！其实之前已经食过几次，都保持到水准，所以今次就同成班朋友一齐嚟食啦！泊完车之后，净系行入去食饭果条巷仔已经买到停唔到手。又金蚝啦，又米通啦，又马仔啦，又海味啦⋯⋯成班友仔买到痴咗线🤣好啦，睇吓今晚食咩先！第一味上枱嘅就系白灼虾，讲真，白灼虾真系冇咩好介绍，不过只只个头都有膏㗎！接着嘅就系蜜糖鸡翼，可能好多人觉得好奇怪，去食海鲜食乜鬼嘢鸡翼呀？但系其实都系呢度嘅招牌之一，前两次食，只只胀卜卜，啲蜜糖包住成只鸡翼，好味到震啦！但系今次真系要拆招牌，睇幅相都知道炸到㶶晒，又唔够蜜糖，搞到比班老友话我点解要嗌味未啊🤦🏻♀️再嚟嘅就系椒盐中虾，非常惹味，又唔会过分调味，直头连个壳都要吮埋！整咗个班头两味，呢个班腩好就好在佢一啲都唔老，唔会鞋恰恰，仲系好滑！好少可见到啲蒸鲍鱼系咁大只，一啲都冇过火，切开来食好鬼正，啲豉油汁唔系好浓味，咁先可以食到本身鲍鱼嘅鲜味！再嚟又系蚝两味，嚟到流浮山唔系唔食蚝下吗？呢个炸蚝，细细只，估唔到甜成咁！啲炸浆薄薄哋一层，咬落去𠮶阵时系有声㗎
今次就决定食邦记！其实之前已经食过几次，都保持到水准，所以今次就同成班朋友一齐嚟食啦！泊完车之后，净系行入去食饭果条巷仔已经买到停唔到手。又金蚝啦，又米通啦，又马仔啦，又海味啦⋯⋯成班友仔买到痴咗线🤣
好啦，睇吓今晚食咩先！
白灼虾
42 浏览
0 赞好
0 留言
第一味上枱嘅就系白灼虾，讲真，白灼虾真系冇咩好介绍，不过只只个头都有膏㗎！
蜜糖鸡翼
43 浏览
0 赞好
0 留言
接着嘅就系蜜糖鸡翼，可能好多人觉得好奇怪，去食海鲜食乜鬼嘢鸡翼呀？但系其实都系呢度嘅招牌之一，前两次食，只只胀卜卜，啲蜜糖包住成只鸡翼，好味到震啦！但系今次真系要拆招牌，睇幅相都知道炸到㶶晒，又唔够蜜糖，搞到比班老友话我点解要嗌味未啊🤦🏻♀️
椒盐中虾
41 浏览
0 赞好
0 留言
再嚟嘅就系椒盐中虾，非常惹味，又唔会过分调味，直头连个壳都要吮埋！
班球
50 浏览
0 赞好
0 留言
整咗个班头两味，呢个班腩好就好在佢一啲都唔老，唔会鞋恰恰，仲系好滑！
清蒸鲍鱼
34 浏览
0 赞好
0 留言
好少可见到啲蒸鲍鱼系咁大只，一啲都冇过火，切开来食好鬼正，啲豉油汁唔系好浓味，咁先可以食到本身鲍鱼嘅鲜味！
炸蚝
52 浏览
0 赞好
0 留言
再嚟又系蚝两味，嚟到流浮山唔系唔食蚝下吗？呢个炸蚝，细细只，估唔到甜成咁！啲炸浆薄薄哋一层，咬落去𠮶阵时系有声㗎 ！咬开之后又唔会成泡水咁，全部都系本身只蚝嘅汁，我本身唔钟意食熟蚝，但系真系停唔到口咁一连食咗三四只！！
姜葱蚝
42 浏览
0 赞好
0 留言
接着嘅系姜葱蚝，佢又系煮到啱啱好，超级好味！
骨腩
52 浏览
0 赞好
0 留言
呢个就系班头两味嘅另一味，爆骨腩，其实佢都好食，只系个献汁杰左少少！所以食多两旧个感觉就比较滞喇！
姜葱炒蟹
46 浏览
0 赞好
0 留言
食海鲜就梗系要叫蟹食啦！姜葱蟹个味道刚刚好，不过呢味就好似有少少过火，所以啲蟹肉唔够滑身！但系我哋都好快清晒！
清蒸贵妃蚌
53 浏览
0 赞好
0 留言
最后一味就系贵花蚝，火候非常perfect！加埋啲蒜蓉呀，葱呀，粉丝呀，成啖食落去真系好正！
其实仲有一个炒饭唔记得咗影相，都系正常嘅扬州炒饭啦！不过入边嘅虾唔系平时𠮶啲雪藏虾仔，系真系咬落去啖啖肉嘅虾，所以如果唔够饱叫个例牌嘅嚟食下都唔错㗎😍
张贴
