台蔡滷肉飯

营业中

休息中

难得同姐妹平日晚上约见面，捻起荃湾有间人气台湾餐厅，系由台湾人主理既，就黎试下，幸好时间尚早，前面只等两台，等左15分钟就入座。小食方面叫左台湾蛋饼卖相几好，夹起蛋饼时芝士系可以拉丝既，应该系刚刚整起，味道上同我印象中台湾食既蛋饼有些少分别，呢款比较似葱抓饼皮咁比较酥脆，系好食，调味唔会好重，刚刚好，推荐一试。饮品叫左冻同热既大红袍珍珠奶茶，可以要求甜度同冰量，大红袍茶味茶，珍珠软硬适中，甜味适中（平时叫少甜/微甜），饮落，跟餐加＄18，一定要叫，同外面好饮既手摇质素差不多，推荐。姐妹叫左花雕麻油鸡汤配小碗卤肉饭套餐她话呢碗食落去“很台”好舒服。我叫左药膳排骨汤配小碗卤肉饭药膳汤感觉系肉骨茶既淡味版，甜感比较重，排骨炖得好淋，好容易食，整个感觉同姐妹捻法一样，食落好舒服。卤肉饭既肉系切得比较细既五花腩，煮的好入味，肥肉部分系入口即融既，卤肉汁都系甜D既酱汁，配酸菜好好入口，饭用台湾特级蓬莱米，饱满有饭香，好好食。整体而言，食物质素好好，唔系食落好惊艳既味道，但就食落好舒服，可以一食再食，系好顺口既台湾菜。