十二味新派川菜

营业中

休息中

十二味好多地区都有分店， 正正在我工作地区旁开了一家，无辣不欢嘅我，把十二味当了我的饭堂。装修唔算好靓，但胜在地方够大，冷气十足，食辣嘢最怕冷气唔够，食到成身汗。酸菜鱼必食，劲大盘，四个人share食就差唔多，鱼片好多片，重点系冇骨，啖啖肉食，得好安心。汤底味道又酸又辣劲开胃，仲有宽粉垫底，烟烟靭靭吸汤效果一流。水煮牛，色香味俱全，辣味层次感丰富，兼且带有麻香，此菜式相当出众。惹味跳跳蛙 牛蛙啲肉好新鲜嫩滑，肉质肥美饱满，用咗辣椒/韭菜炒，好有小炒王风味。小笼包 白面包包着辣肉馅子，辣油渗透在面包内，热腾腾的，饱肚的小吃。霸王辣子鸡 红当当的一道𩠌菜，满满的干辣椒和花椒，味道又香又麻，辣子鸡炸得干身脆口，送酒一流。食咗咁多香辣𩠌菜，想清清地可以拣清炒莴笋丝，看似简单的一味菜式，但炒得有镬气。