肚餓了串燒烤焗專門店 (已結業)

今晚呢个串烧夜系生日之星自己拣既，呢间餐厅系系尖沙咀d商业大厦入面，好方便呀。去到眼见地方唔太大，但系就塞满左人，我地book左位准时到都要搭枱就有d失望，不过最紧要系有位姐。我地坐低左睇下张点单纸，都有好多选择，我地就点左d大路野食住先，谂住唔够先再落order。原来食串烧都可以好饱架。呢度食物既分量都ok，食物既质素唔错，先讲下佢个烧牛舌真系超级厚切，但系又烧得几好味㖞，唔会硬，烧得arm arm好👍🏻👍🏻👍🏻再想讲既系佢个柚子鸡翼，系鸡翼上面加左d柚子系度烧，多左种甜香，但系又同只鸡翼好夹㖞👍🏻👍🏻👍🏻反而个烤牛舌焗饭，我觉得麻麻地，仲好大个盒tim😱入面既牛舌都系好多好厚，不过就冇烧咁好味，略嫌太林同唔够味。而个辣味喷火黄金薯条就几好食，不过确实好热气呀，薯条炸得好金黄同脆身，仲要真系做到黄金虾咁，蛋黄味好够，而且个只辣味真系好似会喷火咁🤤整体味道唔错，环境都可以，系细左dd，要改善嘅系book左位唔驶搭枱会好d。