影片
更多
2020-01-18
3298 浏览
小弟生日，老婆话请食饭，加上呢个月帮衬啲「亚洲万里通」嘅餐厅，会有额外生日奖励300里数，所以，就揾咗储到里数，价位属中低档嘅「HeSheEat」，既储到里数，又唔使佢太破费嘛。我哋拣咗荃湾店，兼避人潮专登食早啲，所以，嚟到餐厅，座位任坐。一室粉红少女系，楼底又唔矮，睇落亦好似好阔落，但若坐满客，其实有点逼，尤其中央张共用大餐枱，坐咗人之后，会同两旁嘅位剩下唔多空间作通道。 虽然我贴咗个晚餐餐牌出嚟，但我哋就唔喺点晚餐，喺「被」散叫。事缘我哋大概5:50pm入座，侍应A放低个主餐牌（即喺散点餐牌），大概10分钟后，落单点餐，之后才见到隔离枱有张晚餐餐牌。晚餐嘅食物当然比散点嘅平少少，亦有唔少加配嘅优惠。当我哋向侍应B查询，只喺查询啫，佢已经即时强调要6:00pm先可以摆晚餐餐牌出嚟，因为落咗单喺唔可以改（就算未出食物）。我嚟食生日饭，唔想被啲咁嘅服务影响自己心情，只喺觉得啲管理可以好啲啰，你落茶记，去快餐店，阿姐未够钟都换定啲下午茶餐牌出嚟啦。再者，我落单时喺5:59pm，因为佢有张落单纸俾番个客，有常理嘅侍应都会提一提啲客。炸珍宝蟹棒＆芝士年糕配日式蛋黄酱 $48卖得48蚊，你就唔好
我哋拣咗荃湾店，兼避人潮专登食早啲，所以，嚟到餐厅，座位任坐。一室粉红少女系，楼底又唔矮，睇落亦好似好阔落，但若坐满客，其实有点逼，尤其中央张共用大餐枱，坐咗人之后，会同两旁嘅位剩下唔多空间作通道。
虽然我贴咗个晚餐餐牌出嚟，但我哋就唔喺点晚餐，喺「被」散叫。事缘我哋大概5:50pm入座，侍应A放低个主餐牌（即喺散点餐牌），大概10分钟后，落单点餐，之后才见到隔离枱有张晚餐餐牌。晚餐嘅食物当然比散点嘅平少少，亦有唔少加配嘅优惠。当我哋向侍应B查询，只喺查询啫，佢已经即时强调要6:00pm先可以摆晚餐餐牌出嚟，因为落咗单喺唔可以改（就算未出食物）。我嚟食生日饭，唔想被啲咁嘅服务影响自己心情，只喺觉得啲管理可以好啲啰，你落茶记，去快餐店，阿姐未够钟都换定啲下午茶餐牌出嚟啦。再者，我落单时喺5:59pm，因为佢有张落单纸俾番个客，有常理嘅侍应都会提一提啲客。
炸珍宝蟹棒＆芝士年糕配日式蛋黄酱 $48卖得48蚊，你就唔好谂里面喺有真蟹肉啦，唔喺𠮶啲好粉嘅劣货蟹棒我都OK架喇，再者，炸得金香脆口，又唔喺好油；之但喺，啲日式蛋黄酱绝对喺就咁唧出嚟嘅沙律酱，无揾蛋黄搓碎混合过，唔收货啦。而芝士年糕嘅芝士部份好绵密，但年糕部份唔知何解好似未够烟糯。
扒虎虾芝士汁鲜蛋意大利面 $95晌餐牌中，有好多意大利面款式，而其中有一系列嘅芝士汁鲜蛋意大利面比较吸引到我，所以，当中就拣咗扒虎虾。
卖相几靓仔，仲刨咗啲巴马臣芝士落去。咪睇佢样好似好大碟，其实现场睇实物份量唔算多，女生无问题，男生可能唔喺太够。
扒虎虾芝士汁鲜蛋意大利面
$95
22 浏览
0 赞好
0 留言
虎虾唔喺话超大只𠮶啲，但煎得爽口、弹牙，又足虾鲜味，用料着实不赖。不过，都喺觉得啲鲜蛋意大利面至喺亮点。
黑松露杂菌春鸡烩意大利饭 $98我不时都话，意大利饭喺最能试到个煮嘅手势，因为要煮到啲饭粒有烟韧感，但又唔会有种好生嘅感觉，确实喺唔容易。故此，拣嚟呢一道烧春鸡烩意大利饭，又可以试埋啲春鸡得唔得。
春鸡嘅外观烧得极具吸引力，而且，相对碟意大利面，个饭嘅份量就足啲。
先试啲春鸡，刚好半只轧为两件，老婆就醒我食只脾位，食味的确一流，外皮焦脆唔油腻，鸡肉滑嫩非常，够入味；不过，老婆所食嘅鸡胸位，就明显比下去，入口确喺有少少嚡。
饭粒单讲口感，煮得恰到好处，有烟韧感，又够湿润，既有松露嘅香气，又有芝士嘅咸香，啲杂菌亦食得出唔喺罐头货。之但喺，最败笔喺个饭过咸，小弟都算喺较为食得咸嘅人，都觉得偏咸。
朱古力花生酱焦糖香蕉厚焗松饼配杏仁雪糕 $58既然生日饭，当然要嗌埋道甜品先够满足啦，甜品选择唔少，但厚焗松饼喺今次嘅心水。4款松饼中，焦糖香蕉较啱老婆口味，同埋做起嚟较花巧。
嚟到嘅成品，果然跟足餐牌个样，以朱古力及花生酱晌碟面画上粗线纹，好有美感；香蕉嘅焦糖化亦做得相当出色，薄脆焦香，整体嚟讲，跟餐牌嘅卖相一样。
朱古力花生酱焦糖香蕉厚焗松饼配杏仁雪糕
$58
31 浏览
0 赞好
0 留言
鲜奶咖啡 $26一早已谂定配甜点就要番鲜奶咖啡，但见佢一杯鲜奶咖啡只卖$26，都谂住可能喺全机冲𠮶只，但送上成品，真喺喜出望外。唔单拉花靓，花纹细腻，图案对称，入口更喺均匀柔滑，咖啡味醇香，真心抵饮。
若非晚餐餐牌一事留下少少唔好印象，服务一环应该喺几好；顺带讲埋，落单前先问清楚喺咪喺可能储里数，但个侍应A问过好几个人先肯定可以储，所以，可见管理方面仍有好多改善空间。而食物嘅综合嘅打分，亦因为个炸嘢及意大利饭拉低咗分，否则，喺一顿完美嘅生日饭。故此，整体嚟讲，仍有好多位要执一执漏。
张贴
