小食糖 (已結業)

我同友人喺尖沙咀揾紧有咩台湾野食，但由于系星期五晚既关系，好多餐厅都好full好多人排队，咁我哋最后误打误撞入左美丽华商场睇水牌见到有呢间，一心谂住，正! 唔洗再周街揾。一去到，我哋以为系等staff带位，但我哋等左阵都无人岀嚟，最后我哋见到门口有细字写”自行揾位”。OK Fine，我哋可以自己揾，但重点系明明D staff系见到我哋，但亦完全无视我哋，继续做自己嘢，当我哋透明咁🤦🏻‍♂️服务质素有待改善。之后我哋坐低左，连Menu都系要自己攞，OK无问题，但我一攞menu，个staff好似终于望到我哋咁，无尾音 头也不回咁指住张纸话”呢4样无”，之后一望张纸，无既分别系麻酱面，豆乳鸡，鲁肉同一样唔记得系乜，换句话说即系所有牵涉呢4样材料既食物都无😨之后一睇番menu，简单嚟讲即系得牛肉面系有🙄极度荒谬。星期五晚7点未够既呢啲黄金食饭时间，你同我讲乜嘢无，咁同你同我讲唔好食有乜分别😢本来如果你哋既态度好少少，我都会留低食你哋个牛肉面，话晒好丑都一餐。但一间餐厅最重要既食物同服务质素，两样都无，你说服唔到我留低食你个面。呢间餐厅完全系影衰黄店，完。