影片
更多
2019-10-14
1765 浏览
呢日朋友喺长沙湾返工，所以又可以一齐食晏，佢提议试下呢间农家意粉(近嚟讨论区有人讲嘛)，位置其实离我office唔远，但九江街一带唔似有餐厅，主要系车房咁，所以行到去门口都要望多两眼先确定👀。入去有门牌𠮶间舖(正舖)，门口有堆箱😅，开放式厨房都喺埋呢边，得一个阿叔系到煮紧嘢，另外有一个店员做楼面，唔系好够人。舖位其实唔系好细，但啲枱櫈摆位好奇怪，好窄好逼咁。企咗阵，店员叫我可以坐过隔离舖，有多啲位，我先发现原来隔离舖都系佢哋。但因为灯光暗，好简陋，中间放咗张大长枱，侧面又有好多杂物书等等，加上无乜冷气，我以为系未开门嘅小学生补习社🙈。店员递上几款餐纸，又系意想唔到，因为系手写再拎去影印，半张A4纸咁大，心谂不如我帮你用电脑打啦...整得整齐啲同细张啲，可以悭纸啲。呢到有几个餐牌，有午餐、主菜、今日特价同常餐，花多眼乱@@。其实有啲食物几张纸都有，都唔知点叫😅。最好笑系午餐F有鹅肝𠮶个无写几钱，叫人哋猜......哈哈。因为坐咗系隔离舖，所以要自己行过去正舖比点餐纸。另外，之前睇openrice见到有人讲等好耐先有得食，果然唔系都市传说，真系等咗起码20分钟，有其他客直头忍唔住过正舖催🥴
入去有门牌𠮶间舖(正舖)，门口有堆箱😅，开放式厨房都喺埋呢边，得一个阿叔系到煮紧嘢，另外有一个店员做楼面，唔系好够人。舖位其实唔系好细，但啲枱櫈摆位好奇怪，好窄好逼咁。企咗阵，店员叫我可以坐过隔离舖，有多啲位，我先发现原来隔离舖都系佢哋。但因为灯光暗，好简陋，中间放咗张大长枱，侧面又有好多杂物书等等，加上无乜冷气，我以为系未开门嘅小学生补习社🙈。
店员递上几款餐纸，又系意想唔到，因为系手写再拎去影印，半张A4纸咁大，心谂不如我帮你用电脑打啦...整得整齐啲同细张啲，可以悭纸啲。呢到有几个餐牌，有午餐、主菜、今日特价同常餐，花多眼乱@@。其实有啲食物几张纸都有，都唔知点叫😅。最好笑系午餐F有鹅肝𠮶个无写几钱，叫人哋猜......哈哈。因为坐咗系隔离舖，所以要自己行过去正舖比点餐纸。另外，之前睇openrice见到有人讲等好耐先有得食，果然唔系都市传说，真系等咗起码20分钟，有其他客直头忍唔住过正舖催🥴。
我废事烦，所以要咗午餐($48)，贪佢有汤有甜品。首先系汤，鲜什菜牛肉汤，配埋个碗，成件事真系好中式，味道都唔错嘅，有几多料例如萝卜🥕、蕃茄、肉碎等。原来唔系午餐真系无汤送，另外所有餐都唔包饮品，要加$10😥。
🍝主菜C-红酒绘牛脷意粉到了，个造型都ok，份量好足，有5,6片牛脷🐮👅，配上扁意粉，蕃茄🍅应该足一个，另加一堆🌽忌廉粟米蓉，完全估唔到会有后者。味道都ok嘅，牛脷侧面有少少㶶，但肉都唔算硬嘅，似叉烧嘅口感。呢到竟然系用扁意粉，有啲惊喜。但最失望系等咗咁耐点知碟嘢唔系好热...，啲粟米蓉我更加肯定系🥫罐头直接倒出嚟😅，其实既然系咁求其倒落去就有啲多此一举...。
至于我朋友就要咗今日特价嘅Prime美国极级薄切肉眼扒配意粉🥩，有得拣块扒嘅份量，4安士$42、6安士$63同9安士$68，咁即系局你拣4安士或块9安士啦。我怂恿咗个朋友叫后者，因为我可以食🤣。”汁水”佢就要咗蕃茄🍅，嚟到发现唔系茄汁。牛扒份量真系好多，有2大块，其实唔算太薄。肉味都ok，肉质都唔会太老，呢个价钱算抵食。
等食物嘅时间仲耐过我哋食饭嘅时间🤨，由于我个午餐写有甜品，所以食完嘢我又走过正舖问系咪有甜品，如有可以上埋。转个头店员拎咗个咖啡杯☕️埋嚟，一放低我同个朋友真系当堂O哂咀，忍唔住对望，以为睇错，真系意想不到，估你唔到。因为系用个杯装住咗五粒软糖🍬，其实我对甜品都唔系有啲乜期望，或者你话无都无乜所谓，但而家真系好搞笑🤣😂🤣😂🤣😂🤣🤣🤣😂，我哋惊唔好意思，所以食哂。
总括嚟讲，呢间小店真系好搞笑，别树一格，所有方面都「意想不到」，特别系个「甜品」。食物味道都ok，但环境真系好骑妮😥，好唔吸引。服务方面，店员就唔系好醒目，不过有礼貌嘅，但我觉得应该要周不时过隔离舖睇下客人有无需要，成程我行咗过去3,4次啰......。同时，餐厅可能系本住慢功出细货嘅态度出食物，逐碟煮，但时间真系太耐了，尤其系食晏时间真系好有限，唔能够慢慢等喺到磨。虽然知餐厅喺到屹立咗好耐，但希望可以注意下上述地方，否则生意难做😟。
张贴
