鴻星中菜 (羅氏商業廣場) (已結業)

咁多间鸿星，我相信只得呢间系星期日中午唔驶等位，12点半去到仲有好多”吉”。虽然位于工厂区，但坐得好舒服，冇湾仔、中环同尖沙咀地方咁迫，当然大家d点心都一样啦。过了特价时段，冇叫到炒粉面饭，因为如果系正价就好唔抵!只系叫了点心。一定叫我最钟意的寿包，莲蓉不太甜，中间的蛋王系流油的，系我食咁多间酒楼之中最好食的，而且唔贵8蚊一个，大大个，我细妹话好食过东海，可借只叫了三只，佢仲同我争食tim；奶皇流沙包，奶皇味好香，细细个唔算太”溜”；蛋煎糯米鸡其他地方好少食到，煎得好香口，我一个人食了半份；o黎到鸿星当然要食石头鱼喇，不过我系食石头鱼饺，好清好食过佢的虾饺；老豆钟意佢的菜干猪骨粥，话好够味(我怀疑落了味精)好足料，同埋萝白牛什，钟意佢炆得入味又够淋(我同佢讲车品品仲正呀!)；妈妈就钟意豉油皇煎肠粉，佢话唔会好油㖞!我姑姐就钟意郊外油菜，话好靓好嫩又甜，姑丈不停食晒两兜鱼仔干花生。每人都有钟意食的野，所以食得好开心，6个人埋单到系三百几蚊。