影片
更多
2006-03-25
115 浏览
Mar-25又系我八卦睇到食评话呢度既烧饼同奇趣有得fight所以想又思思想试下. 星期六晏昼放左工自己一个人由上环行去西环. 初时仲怕唔识路, 但未去到门口已知道冇荡失路. 因为门口有好多人, 除左果头既街坊之外, 仲要好多应该唔系住晌果头既年青人去(我就系其中之一). 相信佢地都系好似我咁睇完食评先去!讲返果度有D乜野食先, 糯米滋, 砵仔糕, 光酥饼, 林林种种既唐饼. 我自己就买左都好多野谂住扲返屋企同男友分享:1)砵仔糕: 我都系见呢度话正宗先试, 可能我唔系为太太识欣赏,都唔知同出面有乜分别, 仲要咁细个, 一啖一个就咁就冇左, 唔太抵食.2)蒸蛋糕: 原本冇谂住买呢个,但事头婆不停咁sell人地,佢都已经好成功地叫排晌我之前个男仔买左两个. 咁好啦, 见佢咁sell得, 我都买左一个. 3蚊一个都系出面既市价,因为肚饿所以即时食左佢. 个蛋糕仲暖暖地, 唔太甜都几好味. 3)豆沙烧饼: 呢个真系佢地既镇店之宝, 好多人都系特登黎买. 初时我怕买左唔好味, 所以只系买左两个谂住同男友一人个. 点知呢个又真系好正架㖞, 正如其他食友所讲佢地既烧饼唔系煎而系烘, 所以一D都唔油
又系我八卦睇到食评话呢度既烧饼同奇趣有得fight所以想又思思想试下. 星期六晏昼放左工自己一个人由上环行去西环. 初时仲怕唔识路, 但未去到门口已知道冇荡失路. 因为门口有好多人, 除左果头既街坊之外, 仲要好多应该唔系住晌果头既年青人去(我就系其中之一). 相信佢地都系好似我咁睇完食评先去!
讲返果度有D乜野食先, 糯米滋, 砵仔糕, 光酥饼, 林林种种既唐饼. 我自己就买左都好多野谂住扲返屋企同男友分享:
1)砵仔糕: 我都系见呢度话正宗先试, 可能我唔系为太太识欣赏,都唔知同出面有乜分别, 仲要咁细个, 一啖一个就咁就冇左, 唔太抵食.
2)蒸蛋糕: 原本冇谂住买呢个,但事头婆不停咁sell人地,佢都已经好成功地叫排晌我之前个男仔买左两个. 咁好啦, 见佢咁sell得, 我都买左一个. 3蚊一个都系出面既市价,因为肚饿所以即时食左佢. 个蛋糕仲暖暖地, 唔太甜都几好味.
3)豆沙烧饼: 呢个真系佢地既镇店之宝, 好多人都系特登黎买. 初时我怕买左唔好味, 所以只系买左两个谂住同男友一人个. 点知呢个又真系好正架㖞, 正如其他食友所讲佢地既烧饼唔系煎而系烘, 所以一D都唔油腻.内里既豆沙馅好均匀, 唔会话一边有馅一边冇. D豆沙唔会话得个油字,小妹好拍油淋淋既豆沙馅! 2蚊一个比普通出面既size细, 但佢既质数已经令佢加晒分. 原本只系买左两个最后都返转头买多五个谂住夜晚做饭后甜品.卓越既豆沙烧饼真系可以比妣美奇趣!
4)光酥饼: 5蚊一包有5个, 事头婆初时叫我买大size果只, 但我死都唔肯架, 因为我钟意细细个既咁就可以食多几个嘛. 光酥饼真系几干, 连我呢个好锤意食干哽哽既美食(例如斋wheat bran)都觉得佢几干. 因为个饼几干所以相对黎讲都会比较轻身.仲有光酥饼系咪只系为用蛋白做既咩? 但佢系为黄黄地色仲有D蛋黄味...有蛋黄既唔系应该叫西樵大饼咩?? 而且佢冇左光酥饼既最大特色---冇左一阵臭粉味. 我都系觉得奇趣既好味好多!!
5) 豆沙摩啰酥: 呢个真系好掂!!可能卓越既豆沙馅做得好出色, 令个摩啰酥有画龙点睛既感觉! 连食乜都话"普通啦"既男友都话好味想食多几个.奈何我地买得好少咋, 星期一一于去买多几个去孝敬"我的麻烦男友" !
后记:去呢间舖买野时真系要好有定力架, 事头婆咁sell得, 佢系咁sell下sell下你就会不自觉下愈买愈多. 好彩样样野都几好食, 买多左至多请下其他人食啰!
仲有, 事头婆有时都几大口气架. 话说我俾钱时问佢可唔可以计平D, 好食既叫多D朋友帮衬. 事头婆咁答我: 我呢度驶乜人介绍丫, 好食既D人自然会返黎!! 哈, 咁又系呀, 咁好味, 抵你咁大口气! 最后当然个事头婆都有计平俾我啦, 哈哈! 加分!!
张贴
