影片
更多
2010-08-27
22 浏览
久唔久 Super Sandwiches 会转吓三重奏套餐嘅配搭，今次睇嚟合我心水！仲要系 Asian Fusion ！ 焗薯三重奏套餐：龙虾仔配日式芥末沙律酱拼香草烧鸡焗薯、吞拿鱼沙律牛角包、凯撒沙律。凯撒沙律 :卖相吸引！份量适中！以生菜、烟肉粉、拌上沙律酱；洒上蒜茸面包粒及芝士碎条做成。沙律看似简单，各种材料嘅配搭，加入材料嘅先后次序，都有技巧。还有，生菜一定要新鲜，酱汁更是关键！生菜清爽鲜嫩，灯光下更有光泽！生菜切段，容易入口！拌上沙律酱，能带出生菜鲜嫩；亦食出田园风味！洒上少许蒜茸面包粒脆卜卜，咸咸地嘅烟肉粉，食落更惹味！令人开胃！亦不失口感！龙虾仔配日式芥末沙律酱拼香草烧鸡焗薯：第一口已经食到攻鼻嘅 Wasabi 日式芥末沙律酱，Wasabi 沙律酱配合龙虾仔，面头仲有葱粒同烟肉粉；烟肉粉除了作点缀之余，咸咸地可以当调味。味道配合起嚟都唔错！反而，我觉得 Wasabi 沙律酱跟焗薯唔多夹味，似乎有点怪！龙虾仔有啲甜味，唔同坊间食到嘅淡味虾！龙虾仔与焗薯之间系香草烧鸡沙律，薄薄嘅鸡肉都算滑，混了沙律之后，显得无咁干！薯仔焗得够哂腍，美国薯仔系比较甜之余，亦比较透身！街市买到
焗薯三重奏套餐：龙虾仔配日式芥末沙律酱拼香草烧鸡焗薯、吞拿鱼沙律牛角包、凯撒沙律。
凯撒沙律 :
卖相吸引！份量适中！以生菜、烟肉粉、拌上沙律酱；洒上蒜茸面包粒及芝士碎条做成。沙律看似简单，各种材料嘅配搭，加入材料嘅先后次序，都有技巧。还有，生菜一定要新鲜，酱汁更是关键！生菜清爽鲜嫩，灯光下更有光泽！生菜切段，容易入口！拌上沙律酱，能带出生菜鲜嫩；亦食出田园风味！洒上少许蒜茸面包粒脆卜卜，咸咸地嘅烟肉粉，食落更惹味！令人开胃！亦不失口感！
龙虾仔配日式芥末沙律酱拼香草烧鸡焗薯：
第一口已经食到攻鼻嘅 Wasabi 日式芥末沙律酱，Wasabi 沙律酱配合龙虾仔，面头仲有葱粒同烟肉粉；烟肉粉除了作点缀之余，咸咸地可以当调味。味道配合起嚟都唔错！反而，我觉得 Wasabi 沙律酱跟焗薯唔多夹味，似乎有点怪！龙虾仔有啲甜味，唔同坊间食到嘅淡味虾！龙虾仔与焗薯之间系香草烧鸡沙律，薄薄嘅鸡肉都算滑，混了沙律之后，显得无咁干！薯仔焗得够哂腍，美国薯仔系比较甜之余，亦比较透身！街市买到嘅薯仔，熟咗依然感觉好实色！不过， Size 同个橙差唔多。 对比之前食过类似嘅三重奏套餐，个薯仔系大啲架！真系越食越缩水！虽然薯仔够饱肚，又系相等于饭嘅糖份三份之一；但系食得薯仔多会引起胃胀，都系唔好食太多！
吞拿鱼沙律牛角包：
两者都系我钟意嘅食物！吞拿鱼夹喺牛角包里，食起嚟有牛角包嘅牛油味及香酥味，亦食到湿湿地嘅吞拿鱼沙律，味道各发挥所长！其实，呢个系一个失败嘅牛角包，单睇外形，已经无咗最重要果对角； 骤眼睇勉强可以话似一弯明月。卖相欠奉！无错系够松软、面仍然脆；可惜缺乏一层一层嘅感觉，酥皮略逊一筹！相信需要更多时间发酵，酥皮才会更好！
热柠檬水：
呢个餐可跟一杯热咖啡/特饮/汤/ 热茶。其中一款特饮系冻柠檬苹果雪梨蜜，上次试过呢款特饮；有些果肉粒，可惜较偏甜！饮完即刻咳！搅到我怕怕！
今次呢个餐份量出乎意料多，饮番杯热柠檬水一来可以帮忙消化，二来柠檬含丰富的维他命C；藉此补充一下！况且，糖分可以适随专便，加多加少。对健康都好啲啦！
我正是坐在近门口有透明隔板嘅位置，好自然会望吓左右隔离食啲咩！唔多觉有人叫呢个餐！唔知系咪份量太多呢？
张贴
