Bread and Bistro (已結業)

而家每次入去黄竹坑都有远征嘅感觉，以前无铁路通常都撘巴士，不过𠮶条随道每到放工时间六点几硬系要塞一塞，无论你六点定六点半上车，都事必起码塞到七点先出到去⋯⋯今次系中午时份入去算好啲，办完公事约吓啲旧同事食饭，拣左哩间Bread & Bistro，Café模式嘅餐厅。佢个午餐都唔平，平均都100蚊起，响One Island South𠮶几间餐厅都系咁嘅价钱。然后啲旧同事话响度放工咁耐，居然无食过哩间餐厅，仲要唔知道佢边，我谂佢地都系带饭带太多喇！睇睇个午餐餐牌，都几多嘢拣，沙律、意粉、咖喱饭、乌冬等等，完全系洋食格局。见到佢个日式原条鳗鱼饭配炒蛋饭都几吸引，午餐仲会跟个沙律或汤，细细碗，唔系重点，表过不提。同啲旧同事倾左阵就上菜。条鳗鱼都真系几大条，差不多一只半手掌咁长，唔驶图片只供参考（而其他食物都同图片相乎），份量足够配白饭有余，几钟意佢个炒蛋，炒得都几滑呀，不过略嫌鳗鱼汁太少，至于味道就一般合格啦，同一般真系日本（连锁式）餐厅差不多。