影片
更多
2021-12-18
47 浏览
同老婆黎试下九龙城鮨胜可能早左到，见师傅好似仲准备紧，啱晒我影下个环境。同好多omakase店类似，店内装修简洁、干净，座位唔多，坐得好阔落。咁我地讲下食物：白子呢样真系睇喜好，可惜咁啱我系唔太好呢样野…质感好滑嫩，黏稠，仲有好浓既蛋味。松叶蟹肉蟹肉上面加左苹果啫喱，酸酸甜甜好开胃，加埋紫苏花，配搭几好，味道几清新鲷鱼刺身鱼肉新鲜，有淡淡清甜，配合柚子味既昆布汁，呢种复合味几特别大拖罗2星期熟成，油脂浓重，咀嚼中味道会不停回荡，不过加入芥末籽并无特别提升，而且有少量筋，稍微影响口感烟熏春鱼烟熏过既春鱼，配合腌渍红洋葱，味道非常好，超出想象矶煮鲍鱼矶煮南非鲍鱼，配合清酒煮既汁，淡淡酒香令鲍鱼增色不少，口感上软糯，而且入味。不过老婆觉得可以再淋dd，我自己就觉得ok炸金鲷鱼肉结实，连鳞炸到卜卜脆，另配上姜芽、青柠同岩盐，可以因应喜好调较味道，呢道绝品青鱼米纸寿司呢个又系好独特，米纸包青鱼寿司，入面仲有子姜，酸酸辣辣，不过如果子姜稍微减少d就更好鱿鱼海胆寿司海胆香浓既甜味配合鱿鱼爽脆既口感，又系一绝配银鳕鱼寿司银鳕鱼做既寿司我比较少食，鱼用紧实而富油份，火枪喷过表皮令油脂更突出，加上生蒜及炸
可能早左到，见师傅好似仲准备紧，啱晒我影下个环境。
同好多omakase店类似，店内装修简洁、干净，座位唔多，坐得好阔落。
咁我地讲下食物：
白子
呢样真系睇喜好，可惜咁啱我系唔太好呢样野…
质感好滑嫩，黏稠，仲有好浓既蛋味。
松叶蟹肉
蟹肉上面加左苹果啫喱，酸酸甜甜好开胃，加埋紫苏花，配搭几好，味道几清新
鲷鱼刺身
鱼肉新鲜，有淡淡清甜，配合柚子味既昆布汁，呢种复合味几特别
大拖罗
2星期熟成，油脂浓重，咀嚼中味道会不停回荡，不过加入芥末籽并无特别提升，而且有少量筋，稍微影响口感
烟熏春鱼
烟熏过既春鱼，配合腌渍红洋葱，味道非常好，超出想象
矶煮鲍鱼
矶煮南非鲍鱼，配合清酒煮既汁，淡淡酒香令鲍鱼增色不少，口感上软糯，而且入味。
不过老婆觉得可以再淋dd，我自己就觉得ok
炸金鲷
鱼肉结实，连鳞炸到卜卜脆，另配上姜芽、青柠同岩盐，可以因应喜好调较味道，呢道绝品
青鱼米纸寿司
呢个又系好独特，米纸包青鱼寿司，入面仲有子姜，酸酸辣辣，不过如果子姜稍微减少d就更好
鱿鱼海胆寿司
海胆香浓既甜味配合鱿鱼爽脆既口感，又系一绝配
银鳕鱼寿司
银鳕鱼做既寿司我比较少食，鱼用紧实而富油份，火枪喷过表皮令油脂更突出，加上生蒜及炸蒜，味道不错。
野菌茶碗蒸
嫩滑既蒸蛋上面加入黑松露芡汁，再加上几款杂菇，味道不过不失。
值得留意既系，厨师系出品时要多加留神，避免将已损坏既器具盛载食物，以防发生不必要既危险
腌渍赤身寿司
以往对赤身都无咩好印象，估唔到今次几好食，无血腥味，口感软糯，配合芥末，鲜味再提升
牡丹虾寿司
牡丹虾配虾膏，呢样有少少失望。虾感觉唔系太新鲜，虾膏略涩，虾既口感亦唔太清爽，有少少浆口
池鱼寿司
池鱼新鲜，但加入鱼子酱并没有升华，有d可惜
吞拿鱼蓉手卷
吞拿鱼蓉加入香葱，经典配搭，而且份量好足，厨师仲会问女士须唔须要少饭，非常贴心
江户前玉子
玉子加入虾肉鱼肉，口感似蛋糕，仲有淡淡香甜味，同时又食到鱼虾味，非常出色
舞茸鱼汤
汤品味道浓郁，散发阵阵舞茸香味，食完寿司刺身，饮碗热汤，身心都得到满足
水果
最后以蜜瓜及杮作收尾，两款生果都好甜，而且雪得好冻，味道好好
食物讲完讲下服务，我地两个要求斟水加埋起码有5次，虽然明白当日客人唔少，仲另外有人订左房，而侍应得1个，服务质素难勉下降。
但另外系，侍应系收碟时曾2次整跌碗碟及隔板，颇影响用餐体验…
所幸系，厨师既细心服务及餐后对客人既满意度询问，为服务呢部分增分不少。
今次鮨胜整体既体验系合格，但仍然有好大既进步空间。
张贴
