星十五

营业中

休息中

尖沙咀加连威老道有间糖水舖叫「星十五」，主打点心和糖水。咁啱我哋去果晚话个炉坏咗，所以我哋净系试糖水。叫咗个椰王炖鲜奶同埋合桃露王+芝麻糊。椰王炖鲜奶食好多次，今次系最唔甜嘅一次，可能你会话：「健康啲，咁咪好啰！」其实又可能啱嘅，但系我就觉得佢有啲两头唔到岸，我估计佢无咁甜，可能就系唔将全部椰王水用晒（戴头盔先⋯⋯我本身唔识整㗎，纯粹猜测）所以椰味偏淡，奶味又无乜（好奇怪），如果你是但一边嘅味道突出都好啊！？而家系一齐「淡」😓。另外一碗合桃露王+芝麻糊，芝麻糊唔掂，唔香偏水，相反合桃露就出色👍🏻，唔怪之得系皇牌，佢全名叫做｛特制莲子合桃露王｝合桃味浓好香，甜度又适中。不过，一碗净系合桃露王系$62，我觉得几贵😅（但系其实会唔会出面本身就系呢啲价钱，只系我唔知呢？）😂