傳麵世家

营业中

休息中

加腩汁绝对系食汤河粉既要诀。呢度d河粉软硬度啱啱好，分量又够。枱上有鱼露、红醋、辣椒酱供食客享用。d辣椒酱唔算辣但好香，可以加多d都唔怕。隔离就有表位停车场可泊车。牛腩牛根河粉 $48呢度既牛腩唔系一条条，系四方形。瘦肉比较多，肥就得少少。牛腩都整到几淋，但系牛筋就好似煮得唔够耐，唔系入口即溶。四宝河 $46呢度四宝河既四宝有猪肉丸而且系自家制手打嘅，好有猪肉味几好食。个鱼蛋都好弹牙，感觉上唔系好多面粉。墨鱼丸就好似比较多面粉，少d墨鱼丸丸嘅味道。个鱼皮饺都烂咗个皮啦，味道还可以。但系就冇乜紫菜，得个一小撮。总体来讲佢呢度嘅汤底唔浓，比较清。而且汤头冇干蒜。价钱都偏贵少少。