影片
更多
2013-12-11
190 浏览
「前篇」分享咗八吉嘅时令鱼鲜及多款冲绳鸡料理，喺「中篇」想讲吓晌主餐牌以外嘅特色小食，以及主餐牌内部份菜式。当中我哋又点咗4款推介特色小食。虽然话小食，有啲都唔平，但甚具质素，尤其当中嘅带子及八爪鱼，真喺相当好食。炸小河虾 $68小河虾以小竹箩呈上，颇别致，炸得唔油腻，仲喺怕嘅，大可唧啲鲜柠汁，相信油腻感尽除，小河虾连壳食，食落香脆甘香，伴酒佳品。半生熟带子 $138与其讲半生熟，小弟就觉得喺全生咁滞，但切成薄片后，捞上香草油醋，入口鲜甜清嫩，搞到垫底嘅甘笋青瓜粒都好味啲，哈哈！凉伴蕃茄八爪鱼 $128依道凉伴小食喺小弟极力推介，卖相几耀目，一黄一白一红，薄薄嘅柠檬片，夹住薄切八爪鱼，再夹一薄片解蕃茄，跟半生熟带子有少少相似，加咗啲啲香草油醋，同时将三者放入口，口感、味道都有层次，冰凉鲜香，所以点可以唔推介吖！冲绳苦瓜煎薄饼 $88另一道冲绳苦瓜菜式，有啲似中式嘅煎薄罉，不过个煎薄饼较厚身，而且质感好粉，个人觉得好一般啫。落到介绍主餐牌，种类、款式非常之多，前篇已讲过，主餐牌分为刺身、寿司、前菜、沙律、烧物、扬物、煮炒蒸料理、饭面、锅物、甜品等多类别，我哋大致样样都要啲，希望试到大厨晌
当中我哋又点咗4款推介特色小食。虽然话小食，有啲都唔平，但甚具质素，尤其当中嘅带子及八爪鱼，真喺相当好食。
炸小河虾 $68小河虾以小竹箩呈上，颇别致，炸得唔油腻，仲喺怕嘅，大可唧啲鲜柠汁，相信油腻感尽除，小河虾连壳食，食落香脆甘香，伴酒佳品。
半生熟带子 $138与其讲半生熟，小弟就觉得喺全生咁滞，但切成薄片后，捞上香草油醋，入口鲜甜清嫩，搞到垫底嘅甘笋青瓜粒都好味啲，哈哈！
凉伴蕃茄八爪鱼 $128依道凉伴小食喺小弟极力推介，卖相几耀目，一黄一白一红，薄薄嘅柠檬片，夹住薄切八爪鱼，再夹一薄片解蕃茄，跟半生熟带子有少少相似，加咗啲啲香草油醋，同时将三者放入口，口感、味道都有层次，冰凉鲜香，所以点可以唔推介吖！
冲绳苦瓜煎薄饼 $88另一道冲绳苦瓜菜式，有啲似中式嘅煎薄罉，不过个煎薄饼较厚身，而且质感好粉，个人觉得好一般啫。
落到介绍主餐牌，种类、款式非常之多，前篇已讲过，主餐牌分为刺身、寿司、前菜、沙律、烧物、扬物、煮炒蒸料理、饭面、锅物、甜品等多类别，我哋大致样样都要啲，希望试到大厨晌唔同范畴嘅手势。特选九点刺身拼盘 $598
主餐牌首页就喺以刺身挂帅，刺身除散点之外，亦有拼盘可选，分为九品盛（$598）、六品盛（$398）、四品盛（$268），全部都会喺精选季节性刺身，可谓不时不食。所谓「特选九点刺身拼盘」（即喺九品盛）意思指拼盘当中包含9款刺身，原本喺每款3件（牡丹虾除外，以一对对计），但由于试食关系又加上人多，所以我哋个拼盘先至会有每款4件嘅情况。
一大份刺身拼盘以日本陶瓷盆盛载，加上盆上唔同嘅摆设，配以唔同色彩嘅刺身，未食净睇都已叫人赏心悦目啦。9款刺身包括：油甘、拖罗（左侧小碗上）、加拿大海胆、日本三文鱼、赤贝、北海道带子、日本吞拿（前排左至右）、牡丹虾（后排）、𫠒红鱼（右侧）。虽然因为人多关系，并唔喺每款刺身都有机会试，但所食到嘅都鲜甜味美，尤以拖罗、海胆、带子、吞拿最得小弟欢心，鲜美度爆灯，拖罗油润、海胆绵香、带子鲜甜、吞拿味浓，真喺好满足。
由于试咗个刺身拼盘，所以寿司类无拣；上文又提过试咗多款主餐牌以外嘅小食，所以主餐牌内嘅前菜亦都无点。冲绳AGU猪肉沙律 $88
虽然之前拣咗个「冲绳鸡拌水豆腐之水菜沙律」，但一碟沙律对咁多人而言又岂能尽兴，所以就晌主餐牌内多点一客沙律。共有4款沙律，当中应以冲绳AGU猪肉沙律喺大家最想试嘅一款，因为AGU猪实属冲绳名物，以味浓见称。以沙律菜衬托，仲见到有少少水菜添，配以日式芝麻酱汁，AGU猪肉薄切，富油香，肉味确喺浓郁，不过有少少韧喺有啲美中不足。
跟住想分享嘅喺烧物，因为烧物晌主餐牌中都占几重比例，一共有14款之多，相对其他种类只有三数款，或六七样，明显有更多选择。所以，我哋是晚都拣咗其中3款嚟试试。
仙台风味厚烧牛舌 $88其实上次嚟八吉都试过依道菜，评价喺牛舌烧得香，又有啲焦香位，牛舌嘅独有味道亦颇浓郁，今次再食，意见一致；而份量及伴碟渍物，都跟上次一样。一客7件，唧啲鲜柠汁去油腻又更提味。
生海胆伴芝士脆多士 $118用「无得顶」大概喺我想到对依件多士嘅感受，竹炭法包加上芝士烤烘后，伴上两大瓣海胆，好似牛油咁搽落啲面包度，入口面包香脆，芝士配海胆，味道丰腴香浓，令人回味，绝对喺小弟诚意推介！
烧明太子 $88以明太子做成嘅香肠，所以烧过后肠内全喺鱼卵，咸香惹味，又喺另一伴酒好拍档。
「后篇」就介绍埋其他品尝过嘅主餐牌菜式，包括扬物、饭面、锅物及甜品！
张贴
