琥酌 (已搬遷) 新店位置

今晚约左个朋友来到这间位于尖沙咀、专食吉列牛的餐厅食饭。虽然价格偏贵，但绝对物超所值。系侍应极力推荐下，我同朋友叫左顶级安格斯牛吉列御膳，外皮十分脆，牛肉味唔算楼好浓，但入口即溶。餐厅配的三款酱系盐烧汁、岩盐、芥末，但基本唔点已经好好食，但个人认为芥末最能带出牛味，相反岩盐会太咸，反而食唔出牛味。同样地，我地亦试下其他吉列炸物，所以点左个拼盘，分别有广岛蚝、虾同薯饼。我个人反而觉得薯饼最好食，薄薄的吉列脆配合薯肉，口感最为丰富。至于鱼生饭都唔错，鱼生种类同份量都多，鱼生亦好新鲜，珍珠米弹牙。