豚勝

营业中

休息中

🦐🐷吉列大海老拼猪柳定食($228)猪柳同海老都炸得非常之脆，而且炸皮好薄，唔会食到好滞嘅感觉，首先猪柳非常之厚，不得不赞佢嘅酱料配搭得好好，一开始会比你磨碎啲芝麻，然后配埋猪扒酱食，非常惹味，其次仲有新出嘅紫薯酱，非常特别，冇谂过紫薯可以配猪柳！而且味道淡淡紫薯，唔会抢咗猪柳嘅味道👅椰菜丝仲可以任添加，加埋柚子酱食非常清新！海老亦都大大条，虾肉好新鲜，而且仲有蟹膏，好邪恶😍🐂烧牛小排定食($168)牛小排烧得非常之香，烧汁配埋牛小排香浓嘅牛味非常，而且好惹味，牛小排上面审判好香嘅芝麻同埋软硬适中嘅洋葱丝，配白饭食一流！份量都唔少，而且大大块，抵食🤤🥟日式煎饺子(4件) ($32)饺子煎得好香，咬落有肉汁，可以配埋酱汁一齐食，酱汁酸酸甜甜非常开胃，作为餐前小食一流👍🏻🐔长崎炸鸡(3件)($48)炸鸡外皮非常之薄脆，咬开鸡肉中间系有肉汁，油香满满，而且鸡件大大旧添！推介⭐️🍍菠萝雪葩($88)原个菠萝直接上，非常特别！连路人都停低问我系咩嚟🤣菠萝入面装满菠萝味嘅雪葩，冰凉感爆灯，啱晒食完炸嘢之后清新返晒！