影片
更多
2011-10-20
333 浏览
师傅好似好耐都冇同外星人食过午餐, 于是就相约外星人于某星期六饭局! 起初师傅就叫外星人谂下去边到食, 皆因外星人好鬼多野唔食, 点知外星人嘅进度缓慢, 唔嗲唔吊咁, 于是师傅按耐不住决定自己揸庄, 只系问左外星人对吉烈猪扒点睇, 殊不知外星人劲钟意, 于是师傅决定拣呢间食店作为当日嘅午餐!为免到时要做啲无聊事情, 就系轮候等位, 于是师傅决定至电留座! 当日准时去到, 人未算多, 报上名来后, 知客就带师傅入座, 而外星人当然系未到啦; 于是就睇下餐牌有甚么吸引, 有甚么推介, 睇左一轮后师傅仍然系冇咩心水, 到外星人到后又再商量下, 点知外星人真系有严重嘅选择困难症, 拣好耐都拣唔到! 最后要师傅比多啲意见, 外星人先能拣去胜博殿套餐, 鬼咩, 胜博殿套餐可以一次过满足佢贪心嘅欲望; 相反师傅就维持一向嘅专一, 只系拣左炸猪柳套餐, 再外加一客炸广岛蚝! 套餐有前菜, 面豉汤, 椰菜丝同白饭! 至于胜博殿套餐有啲咩呢? 就有炸虾一只, 一口炸猪柳, 忌廉蟹肉卷同埋炸猪柳!落完单吹下水, 又磨下芝麻, 不经不觉食物就放左喺面前! 谢主隆恩后, 随即开餐, 师傅第一时间先试下椰菜丝,
为免到时要做啲无聊事情, 就系轮候等位, 于是师傅决定至电留座! 当日准时去到, 人未算多, 报上名来后, 知客就带师傅入座, 而外星人当然系未到啦; 于是就睇下餐牌有甚么吸引, 有甚么推介, 睇左一轮后师傅仍然系冇咩心水, 到外星人到后又再商量下, 点知外星人真系有严重嘅选择困难症, 拣好耐都拣唔到!
最后要师傅比多啲意见, 外星人先能拣去胜博殿套餐, 鬼咩, 胜博殿套餐可以一次过满足佢贪心嘅欲望; 相反师傅就维持一向嘅专一, 只系拣左炸猪柳套餐, 再外加一客炸广岛蚝! 套餐有前菜, 面豉汤, 椰菜丝同白饭! 至于胜博殿套餐有啲咩呢? 就有炸虾一只, 一口炸猪柳, 忌廉蟹肉卷同埋炸猪柳!
落完单吹下水, 又磨下芝麻, 不经不觉食物就放左喺面前! 谢主隆恩后, 随即开餐, 师傅第一时间先试下椰菜丝, 椰菜丝系有两款酱汁可供配搭, 芝麻汁和柚子汁, 两款汁师傅都有试过, 芝麻汁够香, 香而不腻口, 配上椰菜丝清新爽口, 感觉不错; 柚子汁味道比较酸, 酸的主要目的系想令人开胃, 不过师傅反而觉觉酸得过了头, 相反地达唔到呢个效果, 两款酱汁师傅较为欣赏芝麻汁!食左椰菜丝后, 师傅随即对炸蚝展开攻势, 炸蚝唔算好大只, 不过入口劲新鲜, 蚝身够肥美, 整体算系不错, 可惜在于炸粉略厚, 口感骤降, 呢个位会扣少少分! 到主菜炸猪柳, 猪柳本身肉质几香, 肉身松软, 猪柳里面有肉汁, 唔干身时亦唔鞋口, 不错; 但师傅略嫌用黎点猪柳嘅猪扒汁味道浓, 较为咸, 就算猪柳唔点汁水准亦系不错的! 至于外星人的评语系忌廉蟹肉卷嘅蟹肉较少, 忌廉就多亦较为腻和滞, 其他的亦算不错!
总括黎讲食物质素甚佳, 环境舒服, 服务态度友善, 不过伙计唔会太自动地加菜和添茶, 如果可以稍为收善相信会更好; 价钱都合理, 百六七蚊一个餐, 埋单连加一连贴士, 刚好系穿梭机价钱, 每人两旧水食个晏唔算平, 不过咁多野食同有咁嘅质素都绝对接受到! 师傅好耐都冇试过用咁贵的价钱黎食午餐, 仲要系吉烈, 不过是次仍觉得值得, 所以笑脸会比, 再黎与否, 一必还看师傅心情!
张贴
