天寶茶餐廳

营业中

休息中

买少见少旧式茶餐厅。假天花，拱门，地砖，木卡位，木枱加玻璃，水吧位灯片，过去传宣既海报，入到去好似时光倒流。午餐45左右街坊价，但我都叫左个绘汁吉猪饭加杯冻奶茶。绘汁系以前周街都食到既果道，浓浓地，甜得黎有些少茄汁味。点解我话以前容易食到？因为随著领展赶尽杀绝，又或者餐厅无人接手，依类茶餐厅愈来愈少。而家多数响独立大厦地铺先会有机会遇到。不得不赞佢个吉猪，炸得岩岩好，咬落松化，58蚊，岀面都食唔到。一味卖弄厚切果d餐厅无用架，宁愿你炸得好比多件人地啦，果d餐厅永远令你失望。