天寶茶餐廳

营业中

休息中

1. 成個梨木樹最貴，茶餐廳嘅話寧願食太子、君豪好過2. overall質素一般，見其他評論吹到天花龍鳳，結果野又唔係特別好食，裝潢又唔係靚，位又坐得唔舒服，憑乜咁Q貴？3. *最最重要* 老細態度極之惡劣食個飯好似爭佢錢咁，唔睇店名以為食緊澳牛。明明成間鋪得1、2枱客，上菜仲咁慢，野飲又冇味，野食方面嗌左個常餐同炒麵，見住老細親手落廚煮通粉，但啲味好明顯係惠康有得買嗰隻最cheap嘅通粉連湯底，咁我自己去惠康買返屋企煮好過啦，另外個奄列表面燶曬不得止，啲火腿漏曬出嚟，賣相極差，唔講以為嗌嘅係火腿炒蛋。至於炒面就好啲，應該係另一位廚師炒嘅，有鑊氣，整體不過不失

今時今日，買少見少，梨木樹邨老牌茶餐廳，裝修懷舊，味道依舊，學生時代嘅茄汁飯🤣，冇乜邊度仲有得食😅😅，人情味濃，王牌推介：燴茄汁吉列豬扒飯，正！長做長有🥳

買少見少舊式茶餐廳。假天花，拱門，地磚，木卡位，木枱加玻璃，水吧位燈片，過去傳宣既海報，入到去好似時光倒流。午餐45左右街坊價，但我都叫左個繪汁吉豬飯加杯凍奶茶。繪汁係以前周街都食到既果道，濃濃地，甜得黎有些少茄汁味。點解我話以前容易食到？因為隨著領展趕盡殺絕，又或者餐廳無人接手，依類茶餐廳愈來愈少。而家多數響獨立大廈地鋪先會有機會遇到。不得不讚佢個吉豬，炸得岩岩好，咬落鬆化，58蚊，岀面都食唔到。一味賣弄厚切果d餐廳無用架，寧願你炸得好比多件人地啦，果d餐廳永遠令你失望。

一間無乜裝修既茶記但係有種懷舊既情感食物質素都可以味道唔係話特別好但份量真係好多今次一入去間店舖，自己自覺掃安心出行再俾部電話老細掃，之後選左個卡位坐，最正係冷氣好大再配合埋幾部強勁風扇，特別舒服同埋空氣流通啲😌之後叫左個燒鴨瀨粉+凍華田$41蚊竟然有髀食！湯就唔咸但食物份量真係多最正係即鴨髀，淡淡肉。整體非常抵食$41蚊有鴨髀食同野飲算係咁架喇味道：6/10性價比：9/10📍天寶茶餐廳梨木樹邨2座1-2號地下營業時間：上午6點至晚上7點

今日係梨木樹村附近做野，到lunch時間，本想到街市裏面的熟食店食碗雲吞麵加碟油菜，點知全個街市要進行翻新，封左。 之後行左去2座樓下的茶餐廳，裝修好懷舊好有歷史。我叫左午餐C － 茄汁豬扒飯、中湯和熱奶茶。 茄汁豬扒飯：豬扒新鮮炸，幾大件好香口，茄汁也足夠，但冇嘜味。 中湯：木瓜雪耳㷛豬骨。（例湯還可選擇羅宋湯或忌廉湯） 奶茶： 夠熱，都幾好飲。 這種舊式茶餐廳會隨著樓宇翻新而一一被淘汰，有D可惜。

黎左呢條屋邨開工, 就是但搵間餐廳食飯, 近近地試下呢間"天寶".要左午餐"蒸肉餅"飯, 仲有例湯餐飲, 午餐黎講夠晒豐富. 肉餅蒸得夠熟, 肉都幾嫩無蒸老左, 不過就多d肥膏位, 豉油甜甜地, 整體上ok.例湯唔太味精, 係老火湯, 幾好.

今日下晝要出開梨木樹做野BOR~, 做到LUNVH 見肚餓就去左間茶餐廳入去食下野啦間野叫 天寶茶餐廳.依間茶餐廳睇落都幾歷史悠久~環境又比較暗, 別有一番風味既~我呢就叫左個焗腿蛋包同龍鳳檸樂~首先講個包先~個蛋煎得喏喏好, 蛋又有蛋水, 又夠嫩滑~火腿又大塊, 正!!!咁大個包都係賣9$~抵食~反而杯檸樂我就唔係咁中意啦...$14蚊一杯, 但D咸檸好咸LOL~所以下次都係叫普通野飲好了~

星期日一早去完教會，１１點返到黎勁肚餓！即刻走去已經好耐無食過的天寶，買份蛋治　茶走。返到屋企一打開，唔係呀嘛！件蛋治舊蛋的厚度只有半塊方包咁厚．．．以前舊蛋係成ｃｍ咁厚，超好味！而家我食舊蛋治好似只係食緊２塊方包咁。轉左老細即刻差成咁！？梨木樹繼多年前特式之後，又無左一個食飯的地方。

昨日 (2009年4月4日 星期六 清明節+兒童節) 天氣涼快，與機師逛了他的母校、舊居、石籬村、安蔭村 (前名:石蔭村)。旁晚，途經天寶茶餐廳，剛落了鐵閘，但閘門還未關上，遠望店內的裝修陳設，機師歡欣大叫... 店內依舊不變，與二十多年前的天寶一樣！店內老伙計(可能是老板)看見我倆凝望店舖，對笑一番，人間有情。 機師對我說 : [ 下次有時間，一定要到此店回味一番！ ] 下次惠顧此店，再續食評.....

中學時代o既午飯餐廳,相隔十年後,其他食店已相繼倒下,只有它仍屹立不搖~ 食物味道依然沒變..白湯....味道依舊,說不上好味,但很有感覺..........最出名的應該算是"豬扒",....獨特的濃汁味道,其他地方是吃不到的~希望大家多多支持佢繼續屹立不搖........真係驚佢好快做唔住....

我是這餐廳的常客，因在樓下太方便了。佢嘅味道唔差咁多年都有保持一定嘅水準，但須然是舊區但價錢比起新區貴咗D，若平D會給引到多D顧客囉。

「特色」快餐執左之後，舊梨木樹呢邊只剩下天寶了。完全保存到70年代環境，全店木卡位，木檯，木小椅，不過唔會覺得不潔，卡位算舒服，光線適中，我喜歡呢種環境多個商場果邊d茶記。只開朝六晚7，無晚市，午餐19蚊有飯，有湯，有野飲，味道不俗，又唔覺細碟，應該係全村最平，商場入面d茶餐廳做唔到呢個價。加多5.5可以變做常餐，加多碟小食(如春卷)或油菜，我覺得真係極少見，茶餐廳午餐都可以有頭盤。仲有d湯粉餐咁既，不過未試過。要涷飲就加1.5，涷飲都有碟墊住上，又係超少見了。不過下午茶款式真係好少，都係當年「特色」好d。總括而言，2座同4座呢邊同商場果邊真係好似兩個世界，住呢邊既會行去商場消費，新樓果邊，邊個會行過來呀﹖你要70年代風味，定係廿一世紀環境﹖一般人都選後者，所以呢邊注定無運行，例如d士多，藥房，真係半年唔入貨都得啦，始終覺得佢地買晒d存貨都難過等天。好在，天寶仲有d外賣客做下，同埋呢邊好似有排都唔重建，相信佢仲有排玩........

替學生補完習有點餓，剛巧經過此茶餐廳，原先只為填飽肚子，誰知．．．．．．有驚喜！餐廳充滿懷舊氣息，就似六十年代冰室的格局，防火板紋理的桌和椅，我想沒有多少地方可以再見到吧？點了一個豬扒飯餐加涷奶茶．以一個屋村食肆來說，質素比想像中佳，碟頭飯的汁香濃惹味，奶茶亦夠香滑，絕對比大ｘ樂的粗製濫造來得有驚喜！下次會帶朋友來品嚐！

又貴又唔好食, 假期仲冇下午茶餐,貴到嘔~

以前讀書個陣都有去過，服務態度差不再話下，份量又少。