吉野家 (已結業)

对于住马鞍山嘅我，想揾间连锁美食都冇 。既然最近，吉野家喺马鞍山开新分店 令到我又想再食吉野家。今日下昼喺公司楼下嘅吉野家食下午茶，坐喺度食嘅人唔太多，好多人都嗌外卖拎走，因为贪佢够平又好食，好多人喺五点半钟左右买，当晚餐食又可以悭番廿几三十蚊。喺铜锣湾食嘢真系唔平，开口埋口都60蚊70蚊，好啲嘅更加系百几蚊，而家用30蚊嘅价钱就可以食到ok质素嘅日本嘢，吉野家都算系咁啦。和风牛肉饭（细），吉野家最好就系可以不断加牛汁，用牛汁捞饭真系超级正。有时有口牛肉丝、牛肉碎𠮶阵酱油香味捞饭真系一流，唔变肥仔都唔得啦！我同事lunch食得太多嘢，所以下午茶叫咗和风牛肉公仔面。佢哋一定系用出前一丁 ，好多茶餐厅叫出前一丁都要加两蚊至五蚊，甚至乎十蚊都见过。不过吉野家贵为大集团当然系唔使加啦。而鲜制冻柠檬茶都系加三蚊就有啦，两个餐70蚊有找，今次我请咗同事食，其实都好平啫。下次等我马鞍山分店冇咁多人，真系要晚晚去打趸，食下一人颓火锅。