富華冰室 (葵涌廣場)

营业中

休息中

同朋友响葵芳区做嘢，落去买嘢嘅时候谂住直接食埋饭先返上去继续做，行过新都会广场觉得冇乜嘢特别想食，所以就走咗去隔离葵涌广场揾食，因为系晚饭时间行过几间餐厅都好多人，见到以前𠮶间富华谂住过去睇吓点知条龙好长。所以就决定试吓佢同一个商场嘅第二间分店，地点一样咁方便，葵芳地铁站行出嚟就系葵涌广场地面𠮶层行入少少就见到，可能因为比较新，所以感觉比较干净企理，最重要系唔系好多人排队，主要系买外卖为主。我叫咗个豉椒牛河，分量维持水平都好足够，豉椒青椒味道都好出，牛肉方面普遍来讲都几好食，系其中一两篇比较难咬，味道方面亦都唔错，由落单到炒出黎都算快手，工作人员态度亦都唔错，下次会试吓返嚟食第二啲嘢。