鍋心粥底火鍋 (已搬遷) 新店位置

我地系锅心未出名之前已经成日嚟食，最近仲好似人多咗好多，可能系上网多咗人推介。咁六点系一定book唔到枱㗎啦，之前试过早两三个礼拜问都冇枱，想食六点𠮶转嘅人应该要早成一个月book。一入座就会有沙白砚同蟹送，另外我地要左虾，鲍鱼，带子，砚，好似有五样野可以拣。海鲜无之前食咁新鲜，但总算都洗干净哂处理好哂，当食个方便。配菜都有几十种拣，响铃必叫，仲有花胶仔，梅猪肉，猪肉丸，花枝丸。个粥底好难搞，一时多水一时小水。应该成餐食哂啲配菜都饱，粥底反而麻麻。仲有坐楼上原来无酒牌，唔可以买酒，要落街买，有啲无奈。佢个土耳其汽水有啲偏贵，唔值呢个价，但无办法无酒饮。不过老实说，佢啲质素好似有下降问题，希望可以改善。