西江薈河鮮小館

营业中

休息中

今日一班同事开会，散会后去食饭，谂住去警察游乐会对面食，我地一行8人却比张6人枱真系好逼，所以掉头走，同事话不如去大埔道食顺德菜，，真心我地一班同事成日经过竟然无人留意到呢间菜馆，餐厅装修唔错，店员比咗张大枱舒服晒。先来个小食凉拌爽鱼皮，真系好爽脆麻油好香。苏梅榄角骨，先炸再炒咸香惹味。新会葵花鸭，鸭肉好结实，淡淡嘅咸味有鸭味。榄角蒸西江边鱼，同事重点推介，话称号系淡水石斑，的确好滑，榄角咸香，不过好多骨，仲要系丫叉细骨，食嘅时候要好小心。西江小炒王用料足，同其他餐厅小炒王差唔多，无特式但系好食嘅。鱼香茄子超多肉碎，有落咸鱼有镬气，好食但咸咗少少，𩠌白饭就正。豉油王炒面，面系方形面条，面质弹牙加洋葱芽菜炒得好干身美味。