湘川滬 (粉嶺中心)

营业中

休息中

有同事生日，我地一班人决定黎食上海野，十几人坐左一张长枱，点了一人一份午餐外，再加了点心同小食，不过人太多，好多野都影唔切相就KO左。话就话食上海野，但同事见到有广东点心又话要叫，叫左蟹籽烧卖皇，大大粒好多肉，味道正常。仲有招牌虾饺皇，虾鲜甜，但几只都爆左皮，无左啲汁有点失色。跟住有上海春卷，炸得十分脆口，入面包芋头蓉，饱肚系列黎食上海野点少得小笼包，皮薄多汁几好味。午餐可以加钱换小食，要左一份麻辣莲藕云耳，莲藕同云耳都好爽口，辣辣地几惹味。午餐送嘅酸辣汤，好酸但唔辣，味道一般。自己份午餐要左菜肉馄饨担担面，云吞厚皮加上皮太淋，麻麻地，担担面汤底就几好，好有花生酱味，少少辣几正。同事个上海回锅肉，炒得较油而且得啲椰菜，有点失望。再黎有酸菜鱼片，呢个认真唔掂，汤底不酸不辣无鲜味，鱼片系滑嘅但都系无味，可以不点。最后系北京水饺面，非常清淡的汤底，面条有韧度几好嘅，但个汤无味，所以啲面都无味，哈哈，加左大量辣酱去食食完咸野上埋个甜品桂花蜜拉糕，烟烟韧韧又甜甜地，呢个好味。有好食有唔好食，午餐价钱唔贵都ok嘅。