一鍋蜂 (已結業)

今晚唔理男朋友，约咗班同事出去大喝大食。晏昼只系食咗个杯面同饮咗罐可乐，下午已经好肚饿啊，所以要揾间又经济又实惠嘅菜馆，擦翻一餐。早两晚开完OT放工去搭巴士，都经过一间菜馆，地方唔算大，但都总算光猛。见到周围食市冷清清，唯独此间坐满大半，所以今次我提议大家去试一试。可能因为早嘅关系，好容易揾到位。我哋一坐好，店里面的楼面已经问我地系咪第一次来，我心谂咁又点呀，原来佢系想介绍我哋菜馆有咩嘢好食，咁诚恳嘅服务，我都系第一次见。喺佢嘅介绍下，我哋食咗芝麻鸡，清蒸大沙巴龙趸，咸鱼鸡粒豆腐，清炒菜心芝麻鸡——外脆里嫩，大只多肉，芝麻好香，肉亦嫩滑有味！清蒸大沙巴龙趸——好大条够厚肉，蒸的岩岩好，条鱼又好新鲜，味道好赞。咸鱼鸡粒豆腐——浓味多汁，味道极鲜，食唔到咸鱼腥味，超级送饭。