影片
更多
2023-03-01
527 浏览
今次揾返啲旧同事食饭，拣咗中间点，铜锣湾，等大家都就脚啲。放工去唔洗好远，食完饭返屋企都方便。其实食过哩间餐厅几次，仲记得第一次食系好多年前去IFC分店。反而后来餐厅越来越多分店，就冇再食过。泰式柚子沙律 ($128)卖相同平时啲柚子沙律有啲唔同，放咗几片大生菜喺底。柚子肉上面有干椰丝、花生碎同脆鱼干，加埋沙律汁一齐食几好味。好开胃，第一道菜食佢就岩哂。脆脆杏仁虾饼 ($88)虾饼表面沾满杏仁片，令到个虾饼唔会好单调。杏仁片炸到脆脆，好香口，好钟意哩个虾饼嘅口感，几特别。泰式虎虾炒椰菜伴粉丝 ($268)嚟到主菜，今日拣咗一个伴粉丝。真系要趁热食，冻咗之后，粉丝变干会黐埋一旧，好难夹，又唔敢好大动作，惊弹到周围都系。撇除难进食哩个部份，个粉丝系唔错，好惹味又唔会太咸，推荐❤️Iced Lemon Tea ($42)以前每次嚟食，都一定会叫杯柠檬茶，今次都唔例外。真系必饮，同记忆中嘅味道一样。芒果千层蛋糕 ($78)最后，叫咗一个甜品做结尾。以前一直都冇试过佢嘅甜品，因为卖相唔吸引，而且价钱又唔算抵。有一次无意中听到有朋友提起佢哋嘅蛋糕几好食，于是今次就叫咗芒果千层蛋糕试下。份量原来都几多
放工去唔洗好远，食完饭返屋企都方便。
其实食过哩间餐厅几次，仲记得第一次食系好多年前去IFC分店。反而后来餐厅越来越多分店，就冇再食过。
泰式柚子沙律 ($128)
卖相同平时啲柚子沙律有啲唔同，放咗几片大生菜喺底。
柚子肉上面有干椰丝、花生碎同脆鱼干，加埋沙律汁一齐食几好味。
好开胃，第一道菜食佢就岩哂。
脆脆杏仁虾饼 ($88)
虾饼表面沾满杏仁片，令到个虾饼唔会好单调。杏仁片炸到脆脆，好香口，好钟意哩个虾饼嘅口感，几特别。
泰式虎虾炒椰菜伴粉丝 ($268)
嚟到主菜，今日拣咗一个伴粉丝。
真系要趁热食，冻咗之后，粉丝变干会黐埋一旧，好难夹，又唔敢好大动作，惊弹到周围都系。
撇除难进食哩个部份，个粉丝系唔错，好惹味又唔会太咸，推荐❤️
Iced Lemon Tea ($42)
以前每次嚟食，都一定会叫杯柠檬茶，今次都唔例外。
真系必饮，同记忆中嘅味道一样。
芒果千层蛋糕 ($78)
最后，叫咗一个甜品做结尾。
以前一直都冇试过佢嘅甜品，因为卖相唔吸引，而且价钱又唔算抵。
有一次无意中听到有朋友提起佢哋嘅蛋糕几好食，于是今次就叫咗芒果千层蛋糕试下。
份量原来都几多，味道出乎意料地好食㖞‼️下次再嚟食的话，都一定会叫佢地嘅甜品🍰
张贴
