尚善

营业中

休息中

今日同事last day， 请佢食farewell lunch， 佢拣咗呢间餐厅， 因为我新嚟呢区返工， 所以我第一次嚟咋。间餐厅都几大 ，有少少日本装饰， 唔算好日本feel 。我叫咗个银鳕鱼餐， 块鱼扒唔系好大 ，但好滑同唔多骨 ，不过我嫌佢味道太甜 ， 唔知系咪落得太多味醂。同事叫咗烧鳗鱼 ， 卖相好靓， 好juicy 咁。有一位同事叫咗滑蛋猪扒饭， 都几大碗， 见佢清晒 成碗， 应该都几好食。 另一位同事叫咗杂锦鱼生饭 ，都系好大碗 。 个个食完都话好饱 。甜品系一旧啫喱状嘅嘢，里面有啲红豆蓉 ，我觉得麻麻哋好食。餐茶我要咗热咖啡， 我觉得太苦又唔太香，唔好饮。