Mango Tree Café (已結業)

之前已经听朋友讲过元朗yoho入面嘅餐厅唔好食，同出面分店嘅水准比较非常麻麻，唔好食。今日见mango tree唔洗排队，就入去睇下咩料子，同埋同行所有人都好肚饿啊，要大吃大喝认真，装修我几钟意。用左深色木做主题，配埋树叶画，成个感觉唔老土得黎有小小东南亚风味，亦有时尚嘅格调。不过，明明唔系满座，又好似要赶人90分钟内要走人。点菜后一味上菜，完全冇分小食或汤上先，食到好赶，好似打仗咁讲下野食。摆盘嘅用具都系木同竹物料，自己好钟意。串烧嗌左鸡牛猪三样，每样得两串，已经要成百五蚊。猪串系配沙律同糯米饭的。串烧烧得都ok啦，都算系juicy的，牛就差啲。明明呢个系前菜，够胆死黎晒所有主食至上比我地 味道呢个都几似我喺越南食过嘅米纸卷，又系超多菜，不过佢入面旧肥猪仔肉同个醮酱就救左佢，盖返我唔太钟意嘅菜味，食落甜甜地，块皮够滑，做前菜系几好。呢个虾膏炒饭平凡得黎我都几喜欢㖞！佢系捞埋侧面啲配料食的。不过我觉得捞唔捞都冇乜所谓，因为个饭有虾膏，够味之余佢个饭炒得干身，加上小小腊肠添少少甜味，再配埋肥猪腩肉嘅油香，简简单单都有满足唧味道。龙虾都有啲肉食，唔系呃人嘅。呢碟野味道就平平无奇啦。粉丝又唔