影片
更多
2022-10-18
8336 浏览
好耐无食放题，星期五喺观塘返学，六点放学可以食下嘢，观塘嘅放题好多都结业，见鳄鱼恤中心呢间放题之前食过喺同区另一间都食过唔错，呢间未食过试下都好。准时6:30分，订咗枱唔使等，二人枱都唔算细，由三张枱合并，中间有防疫板隔住，分开一半即系有1.5张枱嘅阔度。食物质素真系麻麻，可以讲有啲失望。有漏单情况，寿司，串烧，一品料理差唔多同一时间落单，最后用咗25分钟到咗串烧类，我仲要惊太多，每款只有一件，即系25分钟只嚟咗4件食物，眼见两边客人都摆满食物，问职员先知原来无咗张单。最后8:00前落单我哋临尾都系点咗三款刺身，每款6件，但系全部减半比我哋。刺身新鲜程度一般，order赤虾，其中一半份量会转咗第二款。寿司种类都多，饭唔好食。梅酱带子，喺带子上加酸嘅梅酱有啲怪。自取吧食物唔错，虾同蚬都新鲜，猪手都入味，辣花螺唔辣同埋煮得太耐，好淋。牛舌少少烟韧，菠萝几甜。天妇罗普通，不过狮子狗里面有芝士，好味。炸蚝炸得太耐，好硬，鸡翼都有少少干。黑椒蜜汁一口牛同埋上汤露笋烩虾球好味。姜葱爆鳝球，泰式咖喱软壳蟹，两样都系预早炸耐啲以保持脆啲口感， 软壳蟹上咗好厚炸浆嚟炸，两样都炸到好硬，真系好难食。比目鱼
刺身新鲜程度一般，order赤虾，其中一半份量会转咗第二款。
寿司种类都多，饭唔好食。梅酱带子，喺带子上加酸嘅梅酱有啲怪。
自取吧食物唔错，虾同蚬都新鲜，猪手都入味，辣花螺唔辣同埋煮得太耐，好淋。
牛舌少少烟韧，菠萝几甜。
天妇罗普通，不过狮子狗里面有芝士，好味。
炸蚝炸得太耐，好硬，鸡翼都有少少干。
黑椒蜜汁一口牛同埋上汤露笋烩虾球好味。
姜葱爆鳝球，泰式咖喱软壳蟹，两样都系预早炸耐啲以保持脆啲口感， 软壳蟹上咗好厚炸浆嚟炸，两样都炸到好硬，真系好难食。
比目鱼，鳗鱼，带子ok嘅，羊架好鞋。
黄金虾，香草牛油煮大蚬，鲭鱼，鸡泡鱼干唔错。
虫草花乌鸡汤好浓味，味精味唔重，好饮。
甜品麻麻。
即冲热阿华田好饮。
张贴
