Bonjour烘焙坊 (已結業)

葱花面包 ($13)记得系台湾食过一次呢个葱花面包，今次系香港见到真系要第一时间夹起佢，面包同台湾一样大大只，表面洒满香葱碎，面包用上奶油和面粉搓成，斩身好柔软，香葱带有油份好好食，即时谂起台湾味道。抹茶红豆吐司 ($22)半条吐司有厚切４大片，卖相很好，吐司用纯鲜奶做成，口感窄实，但食唔出有抹茶味，红豆粒都几多，粒粒分明仲有沙沙的口感，都几甜，整体系唔错嘅。罗勒海盐法国面包 (Sea Salt) ($12)面包细细，表面抹上橄榄油及海盐烘烤，皮脆内带嚼劲，一撕开面包手会沾满橄榄油，以为食落会好油，又唔系㖞，里面有少少罗勒叶，好食。杏桃合桃包 ($20)面包几烟韧有点果香，里面有Cream Cheese、杏桃酸甜，原味合桃，呢个都好食。洋葱海盐法国面包 ($12) 同罗勒海盐法国面包一样，皮脆内带嚼劲，有洋葱香，但就系食不出洋葱味，有少少失望。