Classy Le Carré

营业中

休息中

好耐冇同同事一齐食lunch，超级钟意呢间意大利餐厅嘅气氛，而且菜式都好特别好味，写紧呢篇食评嘅我都忍唔住流晒口水~黑松露迷你pizza，pizza我同同事一齐share，份量真系好mini！但味道系我哋钟意嘅！一上枱就闻到浓浓嘅黑松露香味，咬落去满满嘅芝士仲会拉丝，饼皮松软但都好有韧性，食得愈多愈香黑松露忌廉意粉，真系俾呢间黑松露忌廉意粉惊艳到！一啖落去黑松露特有嘅香味喺口里面回荡，而且用咗扁意粉所以更加挂汁！杂菌菇都好食，配埋奶香味超级浓郁嘅菲达芝士真系完美！樱花虾蒜香牛油蚬肉扁意粉呢款意粉都唔错，上面洒咗满满嘅樱花虾！用咗扁意粉食落去爽口，而且好挂汁啊～食到嘅每一条面条都充满咗浓郁嘅虾味、蚬肉鲜香味仲有蒜香味，新鲜食材嘅味道真系好夹！Classy blend呢杯自家调制嘅朱古力饮品都深得我心！浓郁嘅朱古力味同奶香味十足嘅牛奶一齐配搭完美融合，丝滑嘅口感真系令我哋忍唔住惊叹！好想再嚟一杯