新竹園軒

营业中

休息中

约咗喺附近返工嘅旧同事喺呢度饮茶，呢度环境阔落，可以容纳唔少顾客。我哋两个人一共叫咗4款点心，始终人少食唔到咁多嘢。即叫即蒸嘅蟹籽烧卖皇梗系酒楼嘅必点之选，入面用咗蟹籽，好香，一咬落去涨卜卜好饱满，肉质弹牙，无得弹💯 蜜汁叉烧肠粉，佢一上枱就香喷喷，仲要啲叉烧多到凸晒出嚟，足料到咁真系良心之作。肠粉皮够滑够薄，叉烧每一啖都会食到。仲有山竹牛肉球：鲜嫩多汁嘅牛肉混入马蹄增加口感，肥猪肉份量适中唔会过分肥腻，口感滑溜无渣，又多腐竹👍 我最爱嘅蛋挞仔，热辣辣新鲜出炉，外形好靓仔，蛋浆饱满，味道唔会太甜，蛋软呼呼d，酥皮松而唔油，食完唔会油淋淋！地方干净，点心都好精致，价钱又合理。点心姐姐仲好细心，见我哋有咩需要，即刻反应，服务值得一赞。唔好成日话香港无好嘅服务员工㖞。✅评分：味道 ： ⭐️⭐️⭐️⭐️⭐️【5】环境：⭐️⭐️⭐️⭐️⭐️【5】服务：⭐️⭐️⭐️⭐️⭐️【5】卫生：⭐️⭐️⭐️⭐️⭐️【5】抵食：⭐️⭐️⭐️⭐️⭐️【5】整体评分：😋【笑】